Silvaplana

Silvaplana
	Wappe vo Silvaplana
Basisdate
Staat:	Schwiiz
Kanton:	Graubünde (GR)
Region:	Maloja
BFS-Nr.:	3790
Poschtleitzahl:	7513 Silvaplana; 7513 Silvaplana-Surlej
Koordinate:	781070 / 148128Koordinate: 46° 27′ 36″ N, 9° 47′ 46″ O; CH1903: 781070 / 148128
Höchi:	1'815 m ü. M.
Flächi:	44.77 km²
Iiwohner:	1083 (31. Dezämber 2022)
Website:	www.gemeinde-silvaplana.ch
	Silvaplana Silvaplana
Charte
	Charte vo Silvaplana

Silvaplana (rätoromanisch: Silvaplauna^ⓘ^/?) ische Gmaind vom Kanton Graubünde.

Geografy

D Gmaind lyt in dr Region Maloja am Silvaplanersee. Das isch dr middler vo de drüü Oberengadyner Seeè, und er hät drüü Abschnidd, dr Silvaplanersee sälber und dr Undersee und no dr Champfèrsee. Dur d Gmaind flüsst dr Inn.

S Dorf Silvaplana lyt uf dr linke Syte vom Daal, uf em Schuttchegel vom Bach Ova dal Vallun, wo us em Julierdääli, vo dr Alp Güglia (”Julieralp“) und vom Julierpass obenabe chunt und bim Zältplatz vo Silvaplana in Silvaplanersee mündet. Uf dr Oschtsyte vom See lyt s Dorf Surlej. Im Nordoschte ghört s Dorf Champfèr zu dr Gmaind Silvaplana. Uf dr Nordsyte vom Dorf isch dr Bärg Piz Julier (3380 Meter über Meer), im Süüde dr Piz Murtèl mit 3432 m.ü.M.

Im Dorf Silvaplana träffe sech d Kantonsstrooss dur s Engadyn und die, wo vo Thusis uus über Tüüfekaschta und de Julier is Engadyn chunt.

Wyter oben im Daal isch d Gmaind Sils , wyter unde Sankt Moritz. Im Weschte lauft d Gmaindgränze zu Surses über d Wasserscheidi uf em Julierpass, und im Oschte berüert Silvaplana uf em Bärgmassyv vom Corvatsch s Gebiet vo de Gmaind Samaade.

Bi Silvaplana-Surlej isch e grossi Daalstazioon vo de Bärgbahne vom Corvatsch.

Spraach

Silvaplana isch wie s Engadyn algemäin bis is 19. Jaarhundert en rätorromaneschi Gmaind gsi. Im 20. Jaarhundert hend sech d Spraachverheltnis ggänderet, und hütt sind öppe drü Viertel vo de Yywooner dütschspraachig.