Stefanie Grob

D Stefanie Grob, wo am 14. Dezember 1975 z Bärn uf d Wält cho isch, isch e Schwiizer Schauspilerin, Mundartdichterin, Autorin, Kabarettischtin, Satirikerin, Journalistin und Spoken Word-Literatin.

Si chunt vo Bärn, het Journalistik studiert und läbt jetz mit irere Familie z Züri.

D Grob schrybt Prosategscht, wo teils i Samelbänd abtrukt worde sind, und eigeti Stuck für uf d Büüni. Die meischte Sache sind i dr Mundart. Me könnt d Bärner Autoorin psunders au als Spoken Word-Literatin. 2019 isch si am Liestaler Poetry Slam gsi. Me cha se immer wider ufem Schwiizer Radio ghöre, wo si anne 2009 i dr Satiresändig Zytlupen agfange het. Am 31. Mai 2019 isch si i dr Live-Sändig vo dr Schnabelweid z Wort choo.

Sit 2018 isch si zäme mit dr Sibylle Aeberli uf ere Theater- und Kabaree-Turnee. Im Oktober 2019 isch si am Mundartfestival z Arosa uufträtte, wo si mit em Dialäktoloog Christian Schmid und em Bärner Schriftsteller Pedro Lenz diskutiert het. Au das Gsprööch het d Schnabelweid brocht.

2006 het si mit em Pedro Lenz synere Autorregruppe Bern ist überall uf dr Audio-CD Bern ist überall. Im Kairo mitgmacht.^[1]

Für s Wäärch Inslä vom Glück het d Stefanie Grob dr Literaturprys vo dr Stadt Züri überchoo.

• Blicke in Graben, 2003
• Kafee ohne Süssgebäck, 2004
• die Wendels, 2005
• Tristans Knochen und der dicke Hund, 2005
• Steppenkuss, hellbraun, 2006
• Bern ist überall – im Kairo, Spoken Word, CD, 2006
• zäme mit anderne: Tomate uf de Ohre. Spi spa spoken word für Kinder CD, 2008
• Mundart aus fünf Jahren GägäWärt, CD, 2009
• Schuh – Shoe, SJW
• Vilech chli z blau, 2014
• Inslä vom Glück, Spoken Word, 2014. ISBN 978-3-905825-80-0
• Im Coop ar Kasse, 2017
• SCHLAFLOS - Ich wach mich kaputt, 2018, gemeinsam mit Sibylle Aeberli
• Stimmt!, 2021, gemeinsam mit Sibylle Aeberli

• Kaa Linder: Stefanie Grob. In: Stück-Werk, 4, 2005, S. 60–63.

• d Websyte vo dr Stefanie Grob
• Syte über d Stefanie Grob uf dr literapedia-bern.ch

1. ↑ Pedro Lenz: Bern ist überall. Im Kairo (mit Adi Blum, Stefanie Grob, Guy Krneta, Gerhard Meister, Michael Pfeuti, Michael Stauffer und Beat Sterchi). Luzern 2006, ISBN 3-9522993-4-0