Gmeindsnummere

D Gmeindsnummere (au Code-Nr., GEOSTAT-Nr. oder BFS-Nr. gnännt) isch e vom schwiizerische Bundesamt für Schtatistik mit em Amtliche Gmeindsverzeichnis im Jahr 1986 vergäbeni Zahl, wo der eidüütige Bezeichnig vo territoriale Einheite im Iizugsberiich vo de Schwiiz dient. S Gliiche in Düütschland und Öschterriich nännt sich Gmeindsschlüssel.

I der Regel sind das die politische Gmeinde, es chan sich aber au um Gebiet under rein kantonaler Oberhoheit (v. a. Seen) oder um sogenannti Kommunanze (gmeinsami Hoheitsrächt vo mehrere Gmeinde) handle (lueg unde).

Zu rein schtatistische Zweck sind au d Gmeinde vom Fürschtetum Liechteschtei, wie au einigi Ortschafte in Düütschland (Konschtanz südlich vom Seerhy und d Enklave Büsinge) und z Italie (d Enklave Campione) Nummere zueteilt worde. D Vergaab vo dernige Nummere begründet kein Bsitzaaspruch.

D Nummerevergaab erfolgt nach der Uufzehlig vo de Kantön im Artikel 1 vo der Bundesverfassig, innerhalb vo de Kantön nach Bezirk und wiiter alphabetisch nach Gmeindsname. Gmeinde von Kantön ohni Bezirk sind fortlaufend durenummeriert worde. D Gmeindsnummere bestaht us ere Zahl vo ein bis vier Ziffere.

Uusnahme von dere Regle düüted uf späteri Änderige (nach 1986) hii.

D Gmeindsnummere wird nöd nur als Schlüssel für alli schtatistische Uuswertige verwendet, sondern au für viili wiiteri Aawendige, z. B. im Strassebau für d Bruggebezeichnige.

Es sind folgendi Kantonsnummere vergee worde:

1 Züri | 2 Bärn | 3 Luzärn | 4 Uri | 5 Schwyz | 6.1 Obwalde | 6.2 Nidwalde | 7 Glarus | 8 Zug | 9 Freiburg / Fribourg | 10 Solothurn | 11.1 Basel-Stadt | 11.2 Basel-Landschaft | 12 Schaffhuuse | 13.1 Appezäll Usserrhode | 13.2 Appezäll Innerrhode | 14 Sankt Galle | 15 Graubünde / Grigioni | 16 Aargau | 17 Thurgau | 18 Tessin / Ticino | 19 Waadt / Vaud | 20 Wallis / Valais | 21 Neueburg / Neuchâtel | 22 Gämf / Genève | 23 Jura

Achtung, in andere Schtatistike vom BfS erschiined die folgende Kantonsnummere (mit Halbkantön, wo ganzi Nummere händ): 1 Züri | 2 Bärn | 3 Luzärn | 4 Uri | 5 Schwyz | 6 Obwalde | 7 Nidwalde | 8 Glarus | 9 Zug | 10 Freiburg/Fribourg | 11 Solothurn | 12 Basel Stadt | 13 Basel Landschaft | 14 Schaffhuuse | 15 Appezäll Usserrhode | 16 Appezäll Innerrhode |17 Sankt Galle | 18 Graubünde/Grigioni | 19 Aargau | 20 Thurgau | 21 Tessin/Ticino | 22 Waadt/Vaud | 23 Wallis/Valais | 24 Neueburg/Neuchâtel | 25 Gämf/Genève | 26 Jura

D Kantön händ die nachfolgende Gmeindsnummereberiich zueteilt überchoo:

Kanton Züri: 0001-0261 | Kanton Bärn: 0301-0996 | Kanton Luzärn: 1001-1150 | Kanton Uri: 1201-1220 | Kanton Schwyz: 1301-1375 | Kanton Obwalde: 1401-1407 | Kanton Nidwalde: 1501-1511 | Kanton Glarus: 1601-1629 | Kanton Zug: 1701-1711 | Kanton Freiburg: 2001-2336 | Kanton Solothurn: 2401-2622 | Kanton Basel-Stadt: 2701-2703 | Kanton Basel-Landschaft: 2761-2895 | Kanton Schaffhuuse: 2901-2974 | Kanton Appezäll Usserrhode: 3001-3038 | Kanton Appezäll Innerrhode: 3101-3111 | Kanton St. Galle: 3201-3444 | Kanton Graubünde: 3501-3987 | Kanton Aargau: 4001-4323 | Kanton Thurgau: 4401-4951 | Kanton Tessin: 5001-5322 | Kanton Waadt: 5401-5939 | Kanton Wallis: 6001-6300 | Kanton Neueburg: 6401-6511 | Kanton Gämf: 6601-6645 | Kanton Jura: 6701-6806

Kanton Züri

• Bezirk Affoltere: BFS-Nr. 0001 bis 0014
  • Gmeind Aeugst am Albis: BFS-Nr. 0001
  • Gmeind Affoltere am Albis: BFS-Nr. 0002
  • ...
  • Gmeind Wettswil am Albis: BFS-Nr. 0014
• Bezirk Andelfinge: BFS-Nr. 0021 bis 0044
  • Gmeind Adlike: BFS-Nr. 0021
  • Gmeind Bänke ZH: BFS-Nr. 0022
  • ...
  • Gmeind Waltalinge: BFS-Nr. 0044

Kanton Bern

• Bezirk Aarberg: Code-Nr. 0301 bis 0312
  • Gmeind Aarberg: Code-Nr. 0301
  • ...

Zwüsched Bezirke und Kantön sind freyi Beriich glaa worde, wo e gwüssi Flexibilität für Änderige erlaubed.

Gmäss Bundesamt für Schtatistik sind die unde uufglischtete Schpezialgebiet Teil des BFS-Nummerierungssystems, obwohl es sich bei diesen Gebieten nicht um Gemeinden handelt. Die Nummern dieser Gebiete dienen dazu, zusammen mit den kantonalen Seeanteilen die vollständige, d. h. lückenlose Fläche der Schweiz in Statistiken, geographischen Informationssystemen u.dgl. zu erheben bzw. darzustellen.

• Kommunanze, d. h. Areaal, wo der Oberhoheit vo mehrere Gmeinde understönd oder (mehrheitlich unbewohnti) Gmeinschaftsareaal, wo nöd eidüütig anere einzelne Gmeind zuegwise werde chönd:
  • Kommunanz Medeglia-Cadenazzo (BFS-Nr.: 5391; bis 31. Dezember 2003: 5020) (bis März 2005: Kommunanz Medeglia-Robasacco im Distretto di Bellinzona, Kanton Tessin
  • Kommunanz Bidogno-Capriasca-Corticiasca (BFS-Nr.: 5392) im Distretto di Lugano, Kanton Tessin (bis 31. Dezember 2003: Kommunanz Sala Capriasca-Bidogno (BFS-Nr. 5236))
  • Kommunanz Capriasca-Lugaggia (BFS-Nr.: 5393) im Distretto di Lugano, Kanton Tessin (bis 31. Dezember 2003: Kommunanz Sala Capriasca-Vaglio (BFS-Nr. 5237))
  • Kommunanz Corticiasca-Valcolla (BFS-Nr.: 5394; bis 31. Dezember 2003: 5238) im Distretto di Lugano, Kanton Tessin
  • Kommunanz Reckingen-Gluringen/Grafschaft (BFS-Nr.: 6391) im Bezirk Goms, Kanton Wallis (bis 31. Dezember 2003: Kommunanz Gluringen-Ritzingen (BFS-Nr.: 6072))

• Areaal usserhalb vo de politische Gmeinde vo der Schwiiz. Debii handlets sich um
  • es einzelns Landareaal im Seebezirk vom Kanton Freiburg, de Staatswald Galm (BFS-Nr.: 2391; bis 31. Dezember 2003: 2285), sowie um
  • Seeareaal, d. h. öffentlichi Gwässer, wo unmittelbar der Hoheit vo eim oder mehrere Kantön underschtönt. Die 22 Seen, wo a keim Bezirk, Kanton oder keinere Gmeind zuegordnet sind, beleged Pseudo-Gmeinds-Nummere zwüsched 9040 und 9757:
    • Griifensee (BFS-Nr.: 9040)
    • Zürisee (BFS-Nr.: 9050)
    • Thunersee (BFS-Nr.: 9073)
    • Brienzersee (BFS-Nr.: 9089)
    • Bielersee / Lac de Bienne (BFS-Nr.: 9148)
    • Neueburgersee / Lac de Neuchâtel (BFS-Nr.: 9151)
    • Baldeggersee (BFS-Nr.: 9157)
    • Sempachersee (BFS-Nr.: 9163)
    • Hallwilersee (BFS-Nr.: 9172)
    • Zugersee (BFS-Nr.: 9175)
    • Vierwaldstättersee (BFS-Nr.: 9179)
    • Sihlsee (BFS-Nr.: 9216)
    • Sarnersee (BFS-Nr.: 9239)
    • Walesee (BFS-Nr.: 9267)
    • Ägerisee (BFS-Nr.: 9270)
    • Lac de la Gruyère / Greyerzersee (BFS-Nr.: 9276)
    • Murtesee (BFS-Nr.: 9294)
    • Bodesee (BFS-Nr.: 9326)
    • Luganersee (BFS-Nr.: 9710)
    • Langesee (BFS-Nr.: 9711)
    • Lac de Joux (BFS-Nr.: 9751)
    • Gämfersee (BFS-Nr.: 9757)

• Ussländischi Areaal, wo im GEOSTAT e Schwiizer Gmeindsnummere zueteilt überchoo händ:
  • die düütsch Stadt Konstanz (BFS-Nr.: 7111),
  • die düütsch Enklave Büsinge (BFS-Nr.: 7101),
  • die italienisch Enklave Campione (BFS-Nr.: 7301 für de Landteil und 7302 für de Seeteil),
  • d Gmeinde vom Fürschtetum Liechteschtei: Vaduz (BFS-Nr.: 7001), Triese (BFS-Nr.: 7002), Balzers (BFS-Nr.: 7003), Triesebärg (BFS-Nr.: 7004), Schaan (BFS-Nr.: 7005), Planke (BFS-Nr.: 7006), Esche (BFS-Nr.: 7007), Muure (BFS-Nr.: 7008), Gamprin (BFS-Nr.: 7009), Ruggell (BFS-Nr.: 7010), Schällebärg (BFS-Nr.: 7011).

Dä Artikel basiert uff ere fräie Übersetzig vum Artikel „Gemeindenummer“ vu de dütsche Wikipedia. E Liste vu de Autore un Versione isch do z finde.