Böötschde

Böötschde
	Wappe vo Böötschde
Basisdate
Staat:	Schwiiz
Kanton:	Aargau (AG)
Bezirk:	Zurzibiet
BFS-Nr.:	4303
Poschtleitzahl:	5315 (Böttstein) ; 5314 (Kleindöttingen)
UN/LOCODE:	CH KDO (Kleindöttingen)
Koordinate:	659187 / 267655Koordinate: 47° 33′ 25″ N, 8° 13′ 30″ O; CH1903: 659187 / 267655
Höchi:	356 m ü. M.
Flächi:	7,43 km²
Iiwohner:	4143 (31. Dezämber 2022)
Website:	www.boettstein.ch
Charte
	Charte vo Böötschde

Böötschde (amtlich Böttstein) isch en Iiwohnergmeind im Zurzibiet im Schwiizer Kanton Aargau.

Geographii

De Gmeindsbann isch 743 Hektare gross, dodervo sind 260 Hektare Wald und 154 Hektare überbout. De höchschti Punkt isch uf 577 m ü. M., der tüüfschti uf 318 Meter am Stausee vo Chlingnau.

Nochbargmeinde sin Lüggere im Nordweschte, Chlingnau im Nordoschte, Döttige im Oschte, Würlinge im Südoschte, Villige im Süde und Mandach im Weschte.

Gschicht

S erschti Mol taucht Böötschde in de Namesform Botistein in ere Urkund us em 1087i uf. Zwüschem 1230i und em 1798 het de Bsitz über Böötschde zwölf Mol gwechslet.

Im Dorf stoot s Schloss Böttschde det wo im 11. Joorhundert d Burg vo de Heere vo Böttschde gsi isch.

Wo d Eidgnosse im 1415 de Aargau eroberet hei, isch Böötschde zu de Grafschaft Bade cho, wo e gmeini Herrschaft gsi isch. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Bi Böttschde hed s franzöösische Milidäär im Zwöite Koalitionschrieg am 17. Augschte ane 1799 e Hilfsbrügg übr d Aare welle boue was denn wäge de Zürcher Scharfschütze bi Döttige nid glunge isch.

Böötschde het sid 1798 zum Kanton Bade ghört un isch 1803 zum Kanton Aargau cho.

Bilder

Schloss Böötschde
Böttschdener Gränzschtei
Dänkmool wägem Kampf a dr Aare ane 1799

Lueg au

Böötschdener Mülibach

Literatur

Andreas Steigmeier: Böötschde. In: Historisches Lexikon vo dr Schwiiz.
Sarah Brian Scherer, Dominik Sauerländer, Andreas Steigmeier: Das Kirchspiel Leuggern, Geschichte von Böttstein, Full-Reuenthal, Leibstadt und Leuggern. 2001

Weblink

Commons: Böötschde – Sammlig vo Multimediadateie

Offizielli d Websyte vo de Gmeind Böötschde

Fuessnoote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]