Nintendo

Nintendo K.K. 任天堂株式会社
Unternähmensform	K.K.
Gründig	23. Septämber 1889
Sitz	Flagge von Japan Kyōto Flagge der Vereinigten Staaten von Amerika Redmond Flagge Europas Frankfurt am Main Flagge Kanadas Richmond Flagge Australiens Scoresby Flagge der Volksrepublik China Suzhou Flagge von Südkorea Seoul
Leitig	Shigeru Miyamoto (Spildesigner), Tatsumi Kimishima (Präsident, CEO)
Mitarbeiter	4.108 (2009)
Umsatz	8,18 Mrd. US-Dollar (2006/07)
Produkt	Spilkonsole Videospil
Uffdritt im Netz	www.nintendo-europe.com

Nintendo isch ä Herställer für Videospilli und Spilkonsolene. Im Johr 1889 isch si z Kyōto (Japan) gründet worde. Zurziit isch dr Herr Tatsumi Kimishima a de Spitzä vo de Firma. Vor allem isch Nintendo vo de Herställig vum Game Boy und Spilseriä wie zum Bischpil Super Mario berühmt worde.

Am 23. Säptember 1889 isch Nintendo vum Fusajirō Yamauchi gründet worde. Zerscht het d Firma „Nintendō Koppai“ (Nintendo Spilchartene) gheisse.
Um 1929 hinterloht dr Fusajirō Yamauchi sini Firma am Schwiegersohn Sekiryō Yamauchi zietglich het d Firma au en neue Name erhalte; zu dem Zietpunkt het si Yamauchi Nintendo & Co gheisse und im Johr 1947 hät er ä neui Gsellschaft gründet (Marufuku Co. Ltd ), wo den im Johr 1951 i Karuta Nintendo Co. Ltd umbenennt worde isch.
Spöter, im Johr 1969, isch dr Herr Gunpei Yokois dezucho und den het d Firma agfange Spilzüüg z herrställä. Zum Bischspil Liäbestescht-Automate und au vieli anderi.
Aafangs 1970 het sich Nintendo entschiedä sich uf Acrade-Spilli und Spilsystem ohni ustuschbari Modul z konzentriere.

So gege 1980 isch den dr erschti Nintendo Game & Watch usächo. Er isch vum Gunpei Yokoi entwichklet worde. Nintendo het vil Erfolg mit dene Spilgrät gerntet und um 1981 isch sogar erschte Donkey Kong Spilli usechö, entwicklet vumeme sehr bekannte Spillidesigner, em Shigeru Miyamoto.
Dur de Erfolg ischs au nöd lang gange, bis z Amerika diä erschte Nintendo Game & Watch über d Ladeteki gange sind. Um 1982 isch den „Nintendo of America“, ä Tochtergsellschaft, gründet worde. Im Johr 1983 het Nintendo witeri Firmäsitz eröffnet wiä zum Biespiel z Vancouver, Kanada, au no im gliche Johr isch Nintendo z Tokio ad Börse gange.

Dezu no het Nintendo i dem Johr de Family Computer (Famicom) usebrocht, in Europa und Amerika isch er underem Name „Nintendo Entertainment System“ (NES) bekannt gsi. Dr NES het ustuschbari Modul und all diä spötere Modäl vu Nintendo folget am glichä Prinzip. Dur die Konsole sind au dr Super Mario und de Link aber au anderi Videospilfigure bekannt worde.

1989 isch den dr erschti Game Boy erschinä mit em Spilli Tetris. Und noch 2 Johr isch den au en Nochfolger für dr NES gfunde worde nämli Super Nintendo Entertainment System (SNES). Doch dr SNES het nöd so vil Erfolg ka wie sin Vorgänger. Spöter het sich Nintendo entschidä, zemä mit Sony en SNES z herställe mit eme CD-Laufwerk, wil SEGA ä erhebliche Konkurrenz mit ihrer Konsolä Mega Drive usgübt het. Doch dr planti SNES mit CD-Laufwerk isch den doch nöd stand cho. Sony het sich den selbschständig gmacht.

Den um 1995 isch dr Virtual Boy erschiene, doch de isch würkli en schuss in offä gsi, wil do sie öbbe nume 140.000 Stuck verchauft wore. S nörschte Projekt vu Nintendo isch underem Projektname Ultra 64 bekannt gsi, spöter den isch do drus dr Nintendo 64 (N64) worde. Er isch im Johr 1996 in Japan und i dr USA erschiene, 1997 isch er au bi üs erhältlich gsi. Dr Nintendo 64 het erhebliche Problem ka wege dr Vermarktig, wil Sony scho PSone usäbrocht het und SEGA ihri Konsole Sega Saturn. Obwohl sehr bekannti Titel ufem Nintendo 64 erschinä sind wiä zum Bispil Super Mario 64, The Legend of Zelda: Ocarina of Time oder au Paper Mario.
1997 isch den au s Erschte Pokémon-Spilli erschiene, entwicklet vu GAME FREAK inc..
Und im Johr 1998 isch den dr erschti Game Boy mit Farbdisplay erschinä, er isch under em Name Game Boy Color bekannt gsi.

Den 3 Johr spöter isch den dr Game Boy Advance (GBA) uf dr Markt cho. Dä isch öbbe im Vergliech so guet gsi wie en verbesserte Super Nintendo und er isch au no zu Game Boy und Game Boy Color Spilli kompatibel gsi. Am 14. Septämber isch dr Nochfolger vum Nintendo 64 erschinä, nämli dä Nintendo GameCube. Z Europa und Amerika isch er ersch im Mai 2002 erschinä. Zwor isch er au nöd grad so erfolgrich gsi wie Konkurrenzkonsolene. Bis zum Erschiene vu de Wii het Nintendo mit em GameCube nume Rückschläg igsteckt. Das isch au dr Grund gsi, warum Nintendo sich nur no uf Produktion vum Nintendo DS konzentrit het.

Den, im März 2005, isch den dr Nintendo DS (NDS) erschiene mit 2 Bildschirm, eine devo mit Touchscreen au no mit Ufnahmefunktion und W-LAN, sinie Fähigkeite entsprechet öbbe am Nintendo 64 wenn mo d Leistig vergliche tuet. Spöter isch im Johr 2006 dä Nochfolger vum NDS erschiene, nämli dr Nintendo DS Lite (NDSL), er zeichnet sich vor allem durch meh Handlichkeit us und er würkt au echli eleganter. Im November 2005 het dr Online Dienscht vu Nintendo gstartet.
Im Dezember 2006 isch den dr Nochfolger vum Nintendo GameCube bekannt gsi, nämli Nintendo Wii. Mit dä Wii het Nintendo wieder viel Ruhm und Lob geerntet und sie isch au weltwiet 5,8 Mio. Mol verchauft worde. Ka Wunder bi dem neue Prinzip mit kabellose Controller wo Bewegegige wohrnehme tönt. Im April 2009 isch den au dr Nochfolger vum Nintendo DS Lite erschinä, nämli dr Nintendo DSi, er besticht dur villi neui Funktione wie dur ä Ussäkamera und ä Innekamera aber au durch en DSi Download-Service wo mo jederziet Spilli downloade chan.

Mitem 3DS isch 2011 dä Nachfolger vom Nintendo DS erschiene. Verchaufsstart vo de Konsole isch in Japan am 26. Februar, in Europa am 25. und in Nordamerika am 27. März.^[1][2] Dä 3DS hed es speziells Display wo 3D Bilder azeige chan, ohni dass me en Brülle aalegge muess. Usserdem hed er es integriets Gyroskop und als erschtä Nintendo-Handheld en Analog-Stick, zudem isch er au Abwärtskompatibel zu DS und DSiWare Spili.

Uf enere Investorekonferänz im April 2011 hed Nintendo under anderem d Zahlä vom vorhärigä Gschäftsjahr 2010 aagäh, wäg dä schleppendä Verchäuf vo de Wii hed es starchi Umsatz und Gwünniibuesse gäh.

Nintendo hed ds Gschäftsjahr 2011 zerschtä mal sid 30 Jahr mit Verlüscht i de höchi vo 400 Millionä Euro beändet, ufgrund vo gringä Verchäuf vo de Hardware, D Verbilligung vom 3DS und dä höchi Wächselkurs vom Yen.^[3]

Im April 2012 hed Nintendo aachündiget, dass me ab em Auguscht d Schpiili au vom Internet abelade chan.^[4]

Am 28. Juli 2012 isch de 3DS XL und am 30. November 2012 isch dä Wii Nachfolger Wii U erschiene. De 3DS XL isch eifach en grössere 3DS und d Wii U hed en nüüe Controller mitemene Bildschirm, Gamepad gnännt, id Gaming-Wält bracht.

Im Auguscht 2013 hed Nintendo en ablegger vom 3DS aachündiget wo 2DS heisst. Er isch vollständig kompatibel mit allne 3DS Spili und hed eifach kei 3D Funktion iibuut.

In 2015 isch nu male es wiiters Mitglied vo de Familie 3DS erschine, dä New 3DS wo en ZR und ZL Chnopf und es Facetracking für de 3D Effekt hinzuägfüegt hed.

Im März 2015 hed Nintendo en Partnerschaft mit em japanischä Handy-Service-Entwickler DeNA bekannt gää. Mit dene hed mä Handyspiili welle mache, wo au im Jahr 2016 passiert isch mit em Spiil Miitomo.

Am 11. Juli 2015 isch dä Präsidänt vo Nintendo, Satoru Iwata woner 55 gsii isch a Gallächräbs gschtorbä. I dä Übergangsziit hed de Shigero Miyamoto und de Gen'yō Takeda z Unternähmä gleitet, bis im Septämber dä nüü Präsidänt Tatsumi Kimishima ernännt wordä isch.

Im Juli 2016 isch Pokémon Go vo Niantic veröffentlicht wordä und isch en sofortigä Erfolg gsii. Druf isch dä Aktiäkurs vo Nintendo sehr höch gstigä^[5][6] und isch sogar höcher als Sony gangä^[7].

Im Oktober 2016 sind vo Nintendo erschti Details zu dä nüä Konsolä Nintendo Switch (Dette nu Nintendo NX) aagä wordä.

Im Novämber isch en Nüüuflag vom NES erschine wo NES Classic Mini gheissä hät und er isch fascht überall sofort uusverchauft gsii. Im Septämber 2017 hed Nintendo aachündiget, dass sie 2018 en nüüi Uuflag usebringt.

Im Dezämber 2016 isch Super Mario Run für IOS und im März 2017 für Android usecho.

Im Januar 2017 isch sind binere Prässekonfäränz wiiteri Informatione zu dä Switch erzählt worde. Am 3. März 2017 isch sie Usecho.

Am 27. April 2017 hed Nintendo de New Nintendo 2DS XL als Nachfolger vom 2DS aakündiget. Im Juli 2017 isch er denn mit dä gliichligä Funktionä vo dä andärä „New“ Variantä usächo.

Nintendo goht sehr härt gege Urheberrechtsverletzige vor. Dr Muetterkonzern isch z Kyoto, Tokio, Tocherfirma Nintendo of America isch z Redmond im Bundesstaat Washington und z Europa isch d Tochterfirma in Frankfurt am Main.^[8]

Luut Agobe vu Nintendo hend sie scho 215 Millionä Spielgrät verchauft. Und dur d Wii und DS hends no meh Chundä chönne gwünne. Vorallem bi de Handheld isch Nintendo immer no Markfüerer.

• Nintendo Entertainment System (NES)
• Super Nintendo Entertainment System (SNES)
• Nintendo 64 (N64)
• GameCube (GCN/NGC) (ehem. Arbätstitäl: Dolphin)
• Nintendo Wii (ehem. Arbätstitäl: Nintendo Revolution)
• Nintendo Wii U
• Nintendo Switch (ehem. Arbätstitäl: Nintendo NX)

• Nintendo Game & Watch
• Game Boy
• Game Boy Color (GBC)
• Pokémon Mini (PM)
• Game Boy Advance/Game Boy Advance SP (GBA)
• Game Boy Micro (GBM)
• Nintendo DS/Nintendo DS Lite/Nintendo DSi (NDS/NDSL/DSi)
• Nintendo 3DS/New Nintendo 3DS

• nintendo.com
• nintendo.de
• Nintendo Japan

1. ↑ http://www.4players.de/4players.php/spielinfonews/Allgemein/21868/2052188/Nintendo_3DSVerkaufsstart_in_Japan.html 4players. 26. Februar 2011. Abgrüäfä am 27. April 2012.
2. ↑ Archivierte Kopie. Archiviert vom Original am 1. Mai 2012; abgruefen am 27. April 2012.  CHIP Online. 19. Januar 2011. Abgruäfä am 27. April 2012.
3. ↑ Archivierte Kopie (Memento vom 3. Februar 2018 im Internet Archive) Nintendo-Online.de. 26. April 2012. Abgrüäfä am 27. April 2012
4. ↑ https://www.netzwelt.de/news/92046-nintendo-spiele-kuenftig-download-erhaeltlich.html netzwelt, 27. April 2012. Abgruäfä am 30. April 2012
5. ↑ http://www.spiegel.de/wirtschaft/unternehmen/nintendo-aktie-steigt-wegen-pokemon-go-hype-um-25-prozent-a-1102392.html
6. ↑ http://www.manager-magazin.de/unternehmen/it/nintendo-aktie-steigt-wegen-pokemon-go-hype-um-25-prozent-a-1102436.html
7. ↑ http://www.spiegel.de/wirtschaft/unternehmen/boerse-nintendo-ist-dank-pokemon-go-wertvoller-als-sony-a-1103656.html
8. ↑ https://www.pcwelt.de/news/Nintendo_schliesst_Zentrale_in_Grossostheim_-Umbau-8756950.html. PC-Welt. Abgrüefä am 29.11.2017