Theodore W. Schultz

	Theodore William Schultz
	Theodore W. Schultz in 1944
Gebore	30 April 1902; Arlington, Suid-Dakota
Oorlede	26 Februarie 1998 (op 95); Evanston, Illinois
Nasionaliteit	Verenigde State
Vakgebied	Landbou-ekonomie
Instelling(s)	Iowa se Staatsuniversiteit; Universiteit van Chicago
Alma mater	Suid-Dakota se Staatsuniversiteit; Universiteit van Wisconsin-Madison
Toekennings	Nobelprys vir Ekonomiese Wetenskappe (1979)

Theodore William Schultz (30 April 1902 – 26 Februarie 1998) was die gesamentlike wenner van die Nobelprys (saam met William Lewis, 1979) in ekonomie "vir hul baanbrekende navorsing oor ekonomiese ontwikkelingsnavorsing met besondere aandag aan die probleme van ontwikkelende lande".^[1]

Hy is in Arlington, Suid-Dakota, Verenigde State van Amerika, gebore en het in 1921 by die South Dakota State College geregistreer vir 'n graad in landbou. Ná hy in 1927 gegradueer het, het hy 'n doktorsgraad in ekonomie by die University of Wisconsin-Madison verwerf (1930).

Schultz het die Nobelprys verwerf vir sy bydraes in ontwikkelende ekonomie, met die fokus op landbou-ekonomie. Hy het die rol van landbou in die ekonomie bestudeer en sy werk het industriële beleid wêreldwyd beïnvloed.

Schultz se navorsing rakende die tempo waarteen nasies na die Tweede Wêreldoorlog se verwoesting herstel het, was deurslaggewend. Hy het waargeneem dat Japan en Duitsland baie vinniger as Groot-Brittanje herstel het. Hy het die gevolgtrekking gemaak dat 'n land se vermoë om te herstel direk afhanklik is van die gesondheid en vlak van opvoeding van die bevolking. Opvoeding maak mense meer produktief en goeie gesondheid verseker dat hulle hierdie produksie kan handhaaf. Hierdie bydrae is later menslike kapitaalteorie (Human Capital Theory) genoem en het 'n direkte effek gehad op beleggingsbesluite deur die Internasionale Monetêre Fonds en Wêreldbank in veral die 1980's.

Boeke geskryf:

Redirecting Farm Policy, New York: Macmillan Company, 1943
Agriculture in an Unstable Economy, New York: McGraw-Hill, 1945
The Economic Organization of Agriculture, McGraw-Hill, 1953
The Economic Value of Education, New York: Columbia University Press, 1963
Transforming Traditional Agriculture, New Haven: Yale University Press, 1964
Economic Growth and Agriculture, New York: MacGraw-Hill, 1968
Investment in Human Capital: The Role of Education and of Research, New York: Free Press, 1971
Human Resources (Human Capital: Policy Issues and Research Opportunities), New York: National Bureau of Economic Research, 1972

Boeke geredigeer:

Food for the World, Chicago: University of Chicago Press, 1945
Investment in Human Beings, Chicago: University of Chicago Press, 1962
Investment in Education: Equity-Efficiency Quandary, Chicago: University of Chigaco Press, 1972
New Economic Approaches to Fertility, Chicago: University of Chicago Press, 1973
Economics of the Family: Marriage, Children, and Human Capital, Chicago: University of Chicago Press, 1974

Verwysings

↑ "The Sveriges Riksbank Prize in Economic Sciences in Memory of Alfred Nobel 1979" (in Engels). Nobelprize.org. Geargiveer vanaf die oorspronklike op 1 Julie 2018. Besoek op 4 Februarie 2018.

[1] "The Sveriges Riksbank Prize in Economic Sciences in Memory of Alfred Nobel 1979" (in Engels). Nobelprize.org. Geargiveer vanaf die oorspronklike op 1 Julie 2018. Besoek op 4 Februarie 2018.

[1]