Weimar

Weimar
Kaart	Wapen



	Vlag


Land	Duitsland
Deelstaat	Thüringen
Koördinate	50°59′N 11°20′O / 50.983°N 11.333°O / 50.983; 11.333
Stigting (eerste verwysing)	899
Stadstatus	1410
Oppervlakte:
- Totaal	84,48 vk km
Hoogte bo seevlak	208 m
Bevolking:
- Totaal (31 Desember 2015)	64 131^[1]
- Bevolkingsdigtheid	759/vk km
Tydsone	UTC +1 (MET)
- Somertyd	UTC +2 (MEST)
Klimaat
- Tipe	Gematigde klimaat
- Gemiddelde jaarlikse temperatuur	-°C
- Gem. temp. Januarie/Julie	-°C
- Gemiddelde jaarlikse neerslag	- mm
Burgemeester	Peter Kleine
Amptelike Webwerf	weimar.de

Weimar (Duits: [ˈvaɪmaɐ]) is 'n Duitse stad geleë in die deelstaat Thüringen. Die bevolking soos op 31 Desember 2015 was 64 131. Weimar is 'n beduidende universiteits-, toerisme- en nywerheidsentrum. Weimar is ná Dessau-Roßlau net een van twee Duitse stede wat twee Unesco-wêrelderfenisgebiede huisves. Net Berlyn het drie inskrywings. Die Bauhaus Weimar is in 1996^[2] en die Klassieke Weimar in 1998 deur Unesco as wêrelderfenisgebied gelys.^[3]

Die *Herzogin Anna Amalia-Bibliothek* word sedert die 18de eeu onder die bekendste biblioteke in Duitsland gereken. Dit het sy reputasie sowel aan sy vorstelike beskermhere en bevorderaars van kuns en kultuur Wilhelm Ernst, Anna Amalia en Carl August asook sy befaamde bibliotekarisse te danke - onder wie Johann Wolfgang von Goethe. 'n Verwoestende brand op 2 September 2004 het sowat 50 000 boekdele, kunsskatte en waardevolle interieur vernietig. 62 000 boekdele is beskadig. 'n Uitgawe van die Luther-Bybel van 1534 kon gered word

Standbeeld van Johann Wolfgang von Goethe en Friedrich Schiller by die Deutsches Nationaltheater und Staatskapelle Weimar

Weimar is veral bekend vir sy kulturele erfenis. Vier van Duitsland se bekendste skrywers, Christoph Martin Wieland, Johann Wolfgang von Goethe, Johann Gottfried von Herder en Friedrich Schiller, het in die stad gewerk. Hierdie tydperk tussen 1794 en 1805 staan bekend as Weimarer Klassik. Daarbenewens het ander bekende kunstenaars soos Lucas Cranach die Ouere en Lucas Cranach die Jongere (16de eeu), Johann Sebastian Bach (18de eeu), Franz Liszt, Richard Strauss, Friedrich Nietzsche (19de eeu) asook Harry Graf Kessler en Henry van de Velde (20ste eeu) in Weimar gewerk. Na die ondergang van die Duitse Keiserryk en die hoofstad Berlyn se onstabiele politiese klimaat is die Duitse volksvergadering in Weimar gevestig, waarna die Republiek van Weimar (1918–1933) genoem is.

Verwysings

↑ (de) Bevölkerung der Gemeinden, erfüllenden Gemeinden und Verwaltungsgemeinschaften nach Geschlecht
↑ "Bauhaus and its Sites in Weimar, Dessau and Bernau" (in Engels). Unesco. Geargiveer vanaf die oorspronklike op 2 Junie 2020. Besoek op 13 Julie 2017.
↑ "Classical Weimar" (in Engels). Unesco. Geargiveer vanaf die oorspronklike op 6 Desember 2019. Besoek op 13 Julie 2017.

Eksterne skakels

Wikimedia Commons het meer media in die kategorie Weimar.
(de) Amptelike webwerf

Hierdie artikel is ’n saadjie. Voel vry om Wikipedia te help deur dit uit te brei.

[1] (de) Bevölkerung der Gemeinden, erfüllenden Gemeinden und Verwaltungsgemeinschaften nach Geschlecht

[2] "Bauhaus and its Sites in Weimar, Dessau and Bernau" (in Engels). Unesco. Geargiveer vanaf die oorspronklike op 2 Junie 2020. Besoek op 13 Julie 2017.

[3] "Classical Weimar" (in Engels). Unesco. Geargiveer vanaf die oorspronklike op 6 Desember 2019. Besoek op 13 Julie 2017.

[1]

[2]

[3]