Perchloraat

Eienskappe

Algemeen
Naam	Perchloraat
Termochemiese radius	2,25(19) Å [1]
Lys van anione

'n Perchloraat is 'n sout wat die komplekse anioon ClO₄^- bevat. Dit is die suurres van perchloorsuur HClO₄.

Die oksidasietoestand van die sentrale atoom (Cl) is 7+ en dis die hoogste wat moontlik is vir hierdie element. Die vorm van die anioon is tetraëdries.

Perchlorate is baie goed oplosbaar in water en word dikwels gebruik om katione in oplossing te bring. Perchlorate is ook baie sterk oksiderend. Saam met 'n goeie reduserende katioon, soos ammonium, kan dit aan die sout plofbare eienskappe verleen.

Die standaardreduksiepotensiale van die ioon is hoog:

${\displaystyle ClO_{4}^{-}+8H^{+}+8e^{-}\to Cl^{-}+4H_{2}O}$${\displaystyle E^{\ominus }=+1{,}287V}$

${\displaystyle ClO_{4}^{-}+2H^{+}+2e^{-}\to ClO_{3}^{-}+H_{2}O}$${\displaystyle E^{\ominus }=+1{,}201V}$

Hoewel die ioon termodinamies vermag om water te splyt en suurstof te vervaardig, is dit kineties nie moontlik nie. Daar is nogtans ander reduksiemiddels soos titanium(III) in 'n HEDTA-kompleks wat 'n redoksreaksie sal veroorsaak.^[2][3]

Die grond van die planeet Mars bevat baie perchlorate: tussen 0,5 en 1%. Dit kan 'n landing op hierdie planeet bemoeilik, maar ook 'n bron van noodsaaklike suurstof wees.^[4]

• Lys van anione
• Ammoniumperchloraat
• Kaliumperchloraat