Sint Agnes
| Sint Agnes | |
|---|---|
 Mosaïek van die heilige Agnes in die Santa Agnese kerk | |
| Heilige | |
| Gebore | 242 of 292, |
| Sterfte | 21 Januarie 254 of 304, Rome |
| Vereer in | Rooms-Katolieke Kerk, Oosters-Katolieke Kerk, Oosters-Ortodokse Kerk, Oriëntale Ortodoksie, Anglikaanse Gemeenskap, Lutheranisme |
| Pelgrimsoord | Kerk van Sant'Agnese Fuori le Mura en die Kerk van Sant'Agnese in Agone, beide in Rome |
| Feesdag | 21 Januarie; voordat Pous Johannes XXIII die kalender hersien, was daar 'n tweede fees op 28 Januarie |
| Attribute | 'n lam, martelaar se palm |
| Beskermheilige | Verloofde paartjies; kuisheid; Kinders van Maria; Colegio Capranica van Rome; gewasse; tuiniers; Girl Guides; meisies; verkragtingslagoffers; jong meisies; bisdom van Rockville Centre, New York |
Die heilige Agnes (oorlede in Rome, 21 Januarie 254 of 304) was 'n dertienjarige martelaar wat vir haar Christelike geloof gesterf het.
Agnes is as dertienjarige aan heidense gode gewy en was die slagoffer van verkragting. Toe hulle haar na die tempel van Minerva neem, het sy 'n kruisteken gemaak en geweier om teen God te draai. Verskeie jong mans het om haar hand gevra, maar sy het geweier en gesê dat sy reeds aan Jesus Christus verloof is. Hulle het haar gedreig en gemartel en sy is uiteindelik met 'n swaard deur die keel gedood. Agt dae nadat sy in die katakombes by Via Nomentana begrawe is, is sy in 'n goue kleed gesien. Sy het 'n verloofring van Jesus Christus aan haar vinger gehad en daar was 'n wit lam aan haar regterkant.
Sy word gesien as die beskermheilige van verloofde paartjies, die kuisheid, van jong meisies en maagde, asook die slagoffers van verkragting. Haar naamdag is 21 Januarie. Sy word in die Kanon I, die vernaamste eucharistiese gebed van die Rooms-Katolieke Kerk vermeld.
Agnes word in Rome op twee plekke in besonder vereer: Die Sant'Agnese fuori le mura is die basiliek waar sy vermoedelik begrawe is. Relieke van haar word steeds daar in bewaring gehou. Die kerk lê aan die Via Nomentana, buite die Aureliaanse Muur. Die tweede is die Sant'Agnese in Agone wat op Piazza Navona gebou is, die plek waar Agnes volgens oorlewering gesterf het.
Eksterne skakels
[wysig | wysig bron]Wikimedia Commons het meer media in die kategorie Sint Agnes.
- (nl) H.Agnes, maagd en martelares (HeiligenNet)
