Sergei Jesenin

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Sergei Alexandrowitsj Jesenin (Russies: Сергей Александрович Есенин, wetenskaplike transliterasie Sergej Aleksandrovič Esenin; * 3 Oktober 1895 in Konstantinowo, Rjazan-oblast, Russiese Keiserryk; † 28 Desember 1925 in Leningrad) was 'n Russiese lirikus wat by die beste en gewildste digters van 20ste eeuse Rusland gereken word, alhoewel talle van sy werke in die Stalin-tydperk verban is en ook daarna in die Sowjetunie ideologies as ongewens beskou is.

Jesenin het homself as die "laaste digter van die dorp" beskou wat met sy gedigte 'n landelike poësie van Ou Rusland geskep het - 'n wêreld waarin nog alles van hout gemaak is, maar wat in sy leeftyd reeds ondergang in die gesig gestaar het.

Jesenin het hom aanvanklik aangetrokke gevoel tot die gedagtes van die bolsjewistiese Oktoberrewolusie, maar later ontvreemd aan die nuwe bedeling geraak. Hy het 'n onrustige lewe gevoer wat deur drankmisbruik gekenmerk was. Sy vandalisme in hotelkamers het internasionaal opslae gemaak.

Ná 'n kort literêre loopbaan het Jesenin in die ouderdom van 30 'n einde aan sy eie lewe gemaak. Sy digkuns is in moderne Rusland steeds gewild, en talle van sy werke is getoonset.

Wikimedia Commons bevat media in verband met Sergei Jesenin.