Marikana

Marikana Rooikoppies
Dorp
Marikana
Koördinate: 25°41′52″S 27°28′19″O / 25.69778°S 27.47194°O / -25.69778; 27.47194
Land	Suid-Afrika
Provinsie	Noordwes
Distriksmunisipaliteit	Bojanala Platinum
Plaaslike Munisipaliteit	Rustenburg
Oppervlak
• Totaal	17,54 km2 (6,77 vk. myl)
Hoogte	,8,2 m (2,6 ft)
Bevolking [1]
• Totaal	19 522
Tydsone	UTC+2 (SAST)
Poskode	0284
Skakelkodes	014

Marikana is 'n dorpie in die Noordwes, Suid-Afrika. Die dorpie is halfpad tussen Brits en Rustenburg en is geleë langs die hoofspoorlyn tussen die twee dorpe. Daar is verskeie platina-myne in die omgewing.

Marikana is aangelê op die plaas Rooikoppies. Toe die spoorweg gebou is, het die verantwoordelike beampte na 'n naam vir die stasie gesoek. 'n Spruitjie nie ver van die stasie af nie heet Maretlani, 'n inheemse naam vir 'n struik wat in oorvloed groei. Die beampte kon nie dié naam korrek uitspreek nie en het dit vervorm tot "Marikani", wat later verander het in Marikana. Op 22 April 1944 het die Nederduitse Gereformeerde Kerk 'n gemeente hier gestig as Rustenburg-Oos, later Marikana genoem, wat 402 belydende lidmate gehad het in 2012. Die gemeente het intussen die bynaam Magaliesberg Gesinskerk gekry.

Hoofartikel: Marikana-slagting

Verskeie mynwerkers van die AMCU-vakbond is op 16 Augustus 2012 by die Lonmin-myn deur die polisie doodgeskiet. Die polisie het probeer om geweldadige stakers wat op 'n heuwel saamgedrom het uitmekaar te jaag, waarna die skietery begin het. Vier-en-dertig betogers is in die voorval gedood.^[2][3] Volgens die Azanian People's Organization herinner die slagting aan die massamoord op 21 Maart 1960 in Sharpeville, op 16 Junie 1976 in Soweto en op 17 Junie 1992 in Boipatong.^[4]

• Area: 17.54 km²
• Bevolking: 19 522 (1 113.17 inwoners per km²)
• Huishoudings: 11 679 (666 per km²)

• Lys van dorpe in Suid-Afrika

• Ensiklopedie van Suidelike Afrika. 1967 Eric Rosenthal

Hierdie artikel is ’n saadjie. Voel vry om Wikipedia te help deur dit uit te brei.