[go: up one dir, main page]
Gaan na inhoud

Enlil

in Wikipedia, die vrye ensiklopedie
Enlil, Ellil
Wigskrif: 𒀭𒂗𒆤
Soort god  Mesopotamies
God van die wind, asem, hoogte en afstand
Tuiste Ekoer
Ouers Ansjar en Kisjar
Metgesel Ninlil
Kinders Nanna/Sin

Enlil (wigskrif: 𒀭𒂗𒆤 DENLÍL: EN = heer, LÍL = wind; "god van storms")[1] is die god van die wind, asem, hoogte en afstand,[2] en een van die hoofgode in die Sumeriese en later die Akkadiese, Babiloniese, Hetitiese, Kanaänitiese en ander Mesopotamiese mitologieë. In die latere Akkadiese mitologie was hy die seun van Ansjar en Kisjar. Sy naam is ook Ellil gespel.

Mite

[wysig | wysig bron]

Die mite van Enlil en Ninlil gaan oor hoe die jong god Enlil van Ekoer, die blyplek van die gode, verban word na Koer, die onderwêreld, omdat hy ’n godin met die naam Ninlil verlei het. Die swanger Ninlil volg hom na die onderwêreld, waar sy die lewe skenk aan hul eerste kind, die maangod Nanna/Sin. Nadat hulle nog drie kinders in die onderwêreld gehad het, word Enlil toegelaat om na Ekoer terug te keer.[3][4]

Hy was bekend as die uitvinder van ’n belangrike pik of byl wat in die landbou gebruik is en plante help groei het.[5]

Verwysings

[wysig | wysig bron]
  1. ↑ Halloran, John A.; "Sumerian Lexicon: weerg. 3.0"; 10 Desember 2006 by http://sumerian.org/sumerlex.htm
  2. ↑ Clay Tablets from Sumer, Babylon and Assyria, Earth-history.com. Neo-Sumerian inscriptions clay, Babylonia, 1900–1700 BC
  3. ↑ "Enlil and Ninlil: translation". Electronic Text Corpus of Sumerian Literature (in Engels). Oxford University. Geargiveer vanaf die oorspronklike op 26 Mei 2020. Besoek op 21 Desember 2013.
  4. ↑ Jacobsen, Thorkild (April 1946). "Sumerian Mythology: A Review Article". Journal of Near Eastern Studies. 5 (2): 128–152. doi:10.1086/370777. JSTOR 542374.
  5. ↑ Hooke, S. H. (2004). Middle Eastern Mythology. Dover Publications. ISBN 978-0486435510.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Enlil&oldid=2470589"