Energiebewaring

Energiebehoud (of -bewaring) verwys na die vermindering van energieverbruik omdat daar minder gebruik gemaak word van 'n energiediens. Energie-bewaring verskil heeltemal van effektiewe energiegebruik – wat beteken daar word minder energie gebruik vir 'n ononderbroke diens.^[1] Om minder rond te ry is 'n 'n voorbeeld van energiebewaring. Om dieselfde afstand te ry met 'n motor wat beter brandstofverbruik lewer, is 'n voorbeeld van energie- doeltreffendheid. Energiebewaring – en doeltreffendheid is beide tegnieke van energie vermindering.

Alhoewel energiebewaring lei tot 'n vermindering in energiedienste, kan dit bydra tot verhoogde omgewingskwaliteit, nasionale sekuriteit, persoonlike finansiële sekuriteit en groter besparings.^[2] Dit staan aan die bopunt van die volhoubare energie hiërargie.^{[verwysing benodig]} Dit dra by tot die verlaging in energiekoste omdat dit die toekomstige uitputting van hulpbronne voorkom.^[3]

Sommige lande gebruik energie- of koolstofbelasting as motivering vir energiegebruikers om hul verbruik te verminder. Koolstofbelasting kan die verbruik verskuif na kernkrag en alternatiewe wat ander newe-effekte t.o.v. die omgewing en beperkinge meebring. Belasting op alle energieverbruik kan die energiegebruik oor die algemeen verminder terwyl die gevolge op die omgewing beperk word – gevolge wat voortspruit uit energieproduksie. Kalifornië maak gebruik van 'n gespreide energiebelasting waar elke verbruiker 'n basislyn energie-toelaag ontvang waarvan die belasting laag is. Indien die verbruik styg bo die basislyn, word die belasting dramaties vermeerder. Soortgelyke programme bied beskerming aan armer huishoudings terwyl verbruikers wat 'n hoë energieverbruik handhaaf meer belasting betaal.^[4]

Een van die vernaamste maniere om energiebewaring in geboue te verbeter is om 'n energie-oudit te doen.  'n Energie-oudit is 'n inspeksie en 'n analise van die energiegebruik- en vloei  vir energiebewaring in 'n gebou, proses of sisteem ten einde die energie-insette na die sisteem te verminder – sonder dat die uitset negatief geaffekteer word. Onlangse ontwikkelings in slimfoon toepassings het huiseienaars in staat gestel om  self relatief gesofistikeerde energie-oudits te doen.^[5]

Bouwerk tegnologie en slim meters stel besigheids – en industriële energiegebruikers in staat om 'n grafiese voorskou te kry van die impak wat hul energieverbruik op hul werkplek of huis kan hê. Gevorderde energie meting wat op 'n intydse basis geskied, kan mense help bespaar deur hul gedrag aan te pas.^[6]

Wanneer passiewe sonenergieontwerpbeginsels gebruik word vir geboue, word vensters, mure en vloere gemaak om sonenergie op te vang, te stoor en te versprei. Hitte word versprei gedurende die winter en sonenergie  word afgewys in die somer. Dit staan bekend as passiewe sonontwerp of klimaatontwerp wat, anders as aktiewe sonverwarming, nie die gebruik van meganiese of elektriese toestelle behels nie.

In die VSA het die voorstedelike infrastruktuur ontwikkel gedurende 'n periode waarin daar vrye toegang was tot fossielbrandstowwe. Dit het aanleiding gegee tot 'n lewensstyl wat afhanklik is van vervoer. Sonering hervormings laat toe vir groter bevolkingsdigtheid en die planne vir stap en -fietsroetes kan 'n groot vermindering te weeg bring in die energie wat vir vervoer gebruik word. Groot korporasies gebruik telependelary wat 'n beduidende geleentheid skep vir die bewaring van energie aangesien talle Amerikaners dienswerk verrig vanaf hul tuistes en nie elke dag hoef werk toe te pendel nie.^[7]

Verbruikers is dikwels nie ingelig oor die besparings wat energie-doeltreffende produkte meebring nie.'n Goeie voorbeeld hiervan is die energiebesparings wat verkry word wanneer tradisionele gloeilampe vervang word met moderne alternatiewe. Talle verbruikers koop goedkoper gloeilampe sonder om oorweging te skenk aan hul hoër energiekoste en korter lewensduur in vergelyking met moderne fluoresseer – en LED gloeilampe. Alhoewel hierdie energie-doeltreffende alternatiewe aanvanklik duurder is, bring dit groot besparings mee as gevolg van 'n langer lewensduur en lae energieverbruik.^[9] Die koste van LED lampe het oor die afgelope vyf jaar gedaal weens verbeterde tegnologie in halfgeleiers. Verskeie LED glampe kwalifiseer ook vir 'n korting wat die aankoopkoste vir die verbruiker verder verminder.^[10] Die Amerikaanse Departement van Energie beraam dat die algemene gebruik van LED beligting oor die volgende 20 jaar 'n besparing van nagenoeg $265 biljoen in VSA energiekoste kan meebring.^[11]

Die navorsing wat betrokke is by die bewaring van energie is dikwels te tydrowend en te duur vir die gemiddelde verbruiker – terwyl daar goedkoper produkte en tegnologie is wat fossielbrandstowwe gebruik.^[12] Sommige regerings en NSO's poog om die kompleksiteit te verminder met eko-etikette. Dit maak dit makliker om die verskille in energie-doeltreffendheid na te vors terwyl aankope gedoen word.^[13]

In warm klimate waar lugversorging gebruik word, plaas die gebruik van stowe, tuimeldroeërs en gloeilampe groot druk op verkoelingstelsels.  Isolasie van toestelle en lae-energie toestelle stel minder hitte vry wat deur verkoeling verwyder moet word.

In koue streke plaas die verwarming van water en lug baie groot druk op huishoudelike energiegebruik. Huishoudings wat belê in nuwer tegnologie bring aansienlike energiebesparings te weeg. Hittepompe is 'n meer doeltreffende alternatief  as die gebruik van elektriese weerstand verwarmers om lug en water te verhit. 'n Verskeidenheid van kleredroeërs is beskikbaar en die klassieke wasgoedlyn gebruik geen huishoudelike energie nie. Natuurlike gas kondensasie watertenks en warm lug oonde verbeter doeltreffendheid meer as standaard skoorsteenmodelle. Hitteruilers word in nuwe huise ingebou wat hitte opvang van afvalwater of uitlaatlug in badkamers, waskamers en kombuise.

In beide warm en koue streke sal die lugdigte termies-geïsoleerde konstruksie van huise die effektiwiteit van 'n huis bepaal. Isolasie word gebruik om die vloei van hitte na  of van 'n huis te minimaliseer.

Teen die einde van 2006 het die Europese Unie onderneem om sy jaarlikse verbruik van primêre energie met 20% te besnoei teen 2020.^[14] Die 'European Union Energy Efficiency Action Plan' was lank verwag. Direktief 2012/27/EU is gemik openergie doeltreffendheid.^[15]

Petroleum Conservation Research Association (PCRA) www.pcra.org is 'n Indiese regeringsliggaam wat gestig is in 1977. Hulle bevorder energie doeltreffendheid – en bewaring in alle sfere van die samelewing. Hulle talle massa-media veldtogte  het 'n groot bedrae gelewer in die bewusmaking en daaropvolgende besparing van fossielbrandstowwe wat besoedeling begin verminder en baie geld bespaar.

Bureau of Energy Efficiency is 'n Indiese regeringsorganisasie wat sedert 2001 verantwoordelik is vir die bevordering van energie doeltreffendheid en bewaring.

Die Iranian Fuel Conservation Company in Iran is verantwoordelik vir die bevordering van energie doeltreffendheid en bewaring.DIe administrasie het die brandstof subsidies verminder met die hoof oogmerk om die effek van stygende energieverbruik op Iran se ekonomie teen te werk.

Energiebewaring is 'n vraagstuk in Japan sedert die 1973 oliekrisis. Alle oliegebaseerde brandstowwe word ingevoer en daarom ontwikkel hulle eielandse  .

Die Energy Conservation Center bevorder energie doeltreffendheid. Projekte soos die Top Runner Program Geargiveer 24 Julie 2015 op Wayback Machine word gebruik om verbruiktoestelle te toets vir hul effektiwiteit en die bestes word as die standaard aanvaar.

Sedert 2002 bevorder die  Lebanese Center for Energy Conservation (LCEC) die ontwikkeling van doeltreffende gebruike vir energie en die gebruik van hernubare energie op verbruikersvlak. Die oorspronklike projek het gevestig geraak as 'n onafhanklike, tegniese nasionale sentrum – maar geniet steeds die steun van die Verenigde Nasies se Ontwikkelingsprogram (Engels -UNDP).

In Nieu-Seeland is die  Energy Efficiency and Conservation Authority die regeringsagentskap wat verantwoordelik is vir die bevordering van energie doeltreffendheid – en bewaring. Die Energy Management Association of New Zealand is 'n lidmaatskap-gebaseerde organisasie wat die energie dienstesektor verteenwoordig. Die organisasie voorsien opleiding en akkreditasie dienste ten einde te verseker dat energie bestuursdienste geloofwaardig en betroubaar is.

Sri Lanka verbruik tans fossiel brandstowwe, hidrokrag, sonkrag windkrag en dendrokrag vir hul dag tot dag kragopwekking. Die Sri Lanka Sustainable Energy Authority speel 'n groot rol in die energie bestuur – en bewaring.

Turkye beoog om die hoeveelheid energie wat verbruik word per BBP te verminder met 20% teen die jaar 2023.^[16]

Ten spyte van die vooruitsig wat gestel word dat energie doeltreffendheid 'n onontbeerlike rol kan speel om energie aanvraag op koste-effektiewe wyse te besnoei, word net 'n klein deel van die ekonomiese potensiaal daarvan ontgin in Asië-Pasifies. Regerings het 'n reeks subsidies implementeer soos bv. kontant toelae, goedkoop krediet, belasting vrystellings en medefinansiering met openbare-sektor fondse ten einde energie doeltreffende inisiatiewe aan te moedig. Regerings in die Asië-Pasifiiese streek voorsien baie inligting asook etiketteer programme vir geboue,verbruikstoestelle en die vervoer – en industriële sektore.  Inligtingsprogramme motiveer gedragsveranderinge, soos byvoorbeeld die Cool Biz program in Japan wat organisasies aanmoedig om lugversorging op 28 grade Celsius te stel en om werknemers toe te laat om informeel aan te trek in somermaande.^[17] Sien meer in Pacific Energy Summit Geargiveer 1 April 2017 op Wayback Machine.

Die Verenigde State is tans die tweede grootste enkele verbruiker van energie – naas Sjina. Die U.S. Department of Energy kategoriseer nasionale energiegebruik in 4 sektore: vervoer; huishoudelik, kommersieël en industrieël.^[18]

Die Lagos – staatsregering moedig burgers aan om 'n energie bewaringskultuur aan te neem. Die Lagos State Electricity Board (LSEB) Geargiveer 13 November 2013 op Wayback Machine staan aan die spits van 'n inisiatief getiteld “Conserve Energy, Save Money” onder die Ministerie van Energie en Minerale Hulpbronne. Dit behels interaksie met prominente persoonlikhede oor die onderwerp van energie bewaring. Oktober maand is energie bewaringsmaand en verbruikers kon in winkelsentrums gebruik maak van Sub-Sahara se eerste verbruikersgerigte energie toepassing waarmee huishoudelike energieverbruik bereken kan word.

Tot onlangs was Nepal gefokus op die benutting van hul reuse waterbronne vir die produksie van hidrokrag. In 2009 het Nepal en Duitsland ingestem tot die gesamentlike implementering van die “Nepal Energy Efficiency Programme”. Die doelwit van die program is die bevordering van energie doeltreffendheid in beleidmaking, in landelike en voorstedelike huishoudings en in industrieë.^[19] Weens die tekort aan 'n regeringsorganisasie wat energie doeltreffendheid in die land bevorder, het die Federation of Nepalese Chambers of Commerce and Industry (FNCCI) die Energy Efficiency Centre onder hom gevestig om energie bewaring in die privaatsektor te bevorder. Hierdie sentrum word gerugsteun deur die Nepal Energy Efficiency Programme van die Deutsche Gesellschaft für Internationale Zusammenarbeit.