Endotermies

In termodinamika word die term endotermies gebruik om 'n proses of reaksie in die stelsel te beskryf wat energie van die omgewing absorbeer in die vorm van hitte. Na 'n endotermiese reaksie plaasgevind het is die produk gewoonlik kouer as aan die begin, behalwe as daar van buite hitte bygevoeg is.

Endotermies is die teenoorgestelde van eksotermies. Die woord vind sy oorsprong in die Griekse woorde endon, ("binne") en thermasi, ("verhit").

• Verdamping:
  • Wanneer jy nat is, kry jy koud omdat die water op jou lyf verdamp en jou koud maak.
  • Wanneer die dokter jou vel met 'n alkohollappie afvee voor hy jou inspuit, word jou vel koud. Dit gebeur omdat alkohol so 'n lae kookpunt het en dus baie vinniger as water verdamp en daarom voel dit koud.
• Oplossing: Wanneer sout by water gevoeg word, los die sout in die water op terwyl die reaksie hitte opneem. Dus sal die oplossing aan die einde kouer wees as voor die sout by die water gevoeg is.

• Eksotermies
• Tweede wet van termodinamika