Gorgosaurus

Gorgosaurus
Kladistiese klassifikasie
Koninkryk:	Animalia;
Filum:	Chordata;
Klade:	Dinosauria;
Klade:	Theropoda;
Familie:	Tyrannosauridae;
Genus:	Gorgosaurus; (Lambe, 1914)

Gorgosaurus; Tydperk: Laat Kryt 76.6–75.1 m. jaar gelede PreЄ Є O S D C P T J K Pg N ↓
	’n Gorgosaurus-skelet (Tyrrell-museum van Palaeontologie).
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Superorde:	Dinosauria
Orde:	Saurischia
Suborde:	Theropoda
Superfamilie:	Coelurosauria
Familie:	Tyrannosauridae
Genus:	Gorgosaurus; (Lambe, 1914)
Tipe-spesie
	†Gorgosaurus libratus

10 m 3 m Tyrannosaurus rex Tarbosaurus bataar Albertosaurus sarcophagus Daspletosaurus torosus Gorgosaurus libratus

Die grootte van verskeie soorte tirannosourides in vergelyking met die mens. (bron)

Gorgosaurus ("woeste akkedis") was ’n genus Tyrannosauridae-dinosourusse wat tydens die Laat Kryt-periode, tussen sowat 76,6 en 75,1 miljoen jaar gelede, in westelike Noord-Amerika voorgekom het. Fossiele is in die Kanadese provinsie Alberta en moontlik in Montana, VSA, ontdek. Paleontoloë erken net die tipe-spesie, G. libratus, hoewel ander spesies al verkeerdelik onder dié genus geplaas is.

Soos die meeste tirannosourides was die gorgosourus ’n tweevoetige roofdier wat as volgroeide dier meer as 2 ton geweeg het. Hy het tientalle groot, skerp tande gehad en sy voorpote met twee vingers was redelik klein. Hulle en Albertosaurus het baie ooreengestem; die verskille was hoofsaaklik met betrekking tot die tande en skedelbene. Sommige kenners beslou G. libratus as ’n spesie van Albertosaurus.

Die gorgosourus het in welige plantegroei aan die rand van ’n binnesee voorgekom. Hy was aan die bopunt van sy voedselketting en het geleef van seratopsides en hadrosourusse. In sommige gebiede het hy saam met ’n ander tirannosouride, Daspletosaurus, voorgekom, maar dit lyk of elk in sy eie nisse gehou het. Gorgosaurus is die tirannosouride waarvan die meeste fossiele voorkom.

Gorgosaurus was kleiner as Tyrannosaurus en Tarbosaurus. Volgroeide diere kon tot 8 of 9 m lank word van sy bek tot sy stert.^[1]^[2] Die grootstse bekende skedel was 99 cm lank, net effens kleiner as dié van ’n Daspletosaurus.^[1] Die kop was groot in vergelyking met die res van die lyf, maar holtes in die bene het dit ligter gemaak.

Verwysings

↑ ^1,0 ^1,1 Russell, Dale A. (1970). "Tyrannosaurs from the Late Cretaceous of western Canada". National Museum of Natural Sciences Publications in Paleontology. 1: 1–34.
↑ Holtz, Thomas R. (2004). "Tyrannosauroidea". In Weishampel, David B.; Dodson,, Peter; Osmólska, Halszka (reds.). The Dinosauria (2de uitg.). Berkeley: University of California Press. pp. 111–136. ISBN 0-520-24209-2.{{cite book}}: AS1-onderhoud: ekstra leestekens (link)

[russell1970-1] 1,0 ^1,1 Russell, Dale A. (1970). "Tyrannosaurs from the Late Cretaceous of western Canada". National Museum of Natural Sciences Publications in Paleontology. 1: 1–34.

[holtz2004-2] Holtz, Thomas R. (2004). "Tyrannosauroidea". In Weishampel, David B.; Dodson,, Peter; Osmólska, Halszka (reds.). The Dinosauria (2de uitg.). Berkeley: University of California Press. pp. 111–136. ISBN 0-520-24209-2.{{cite book}}: AS1-onderhoud: ekstra leestekens (link)

[1]

[2]