Beesvleis Wellington

Beesvleis Wellington, in Afrikaans soms ook Bief Wellington genoem, is 'n vleisgereg wat in die oond gebak word. Dit is lank reeds een van die gunstelinggeregte in die internasionale kookkuns. 'n Verskeidenheid weergawes met alternatiewe bestanddele word in kookboeke gelys.

Die gereg is vernoem na die eerste hertog van Wellington, Arthur Wellesley.

Die gereg word van beeshaas ('n heel biefstuk), ganslewerpastei en 'n "duxelle" (fyngekapte sampioene, uie en sjalotte in 'n suurroomsous met verskeie kruie) gemaak. Hierdie bestanddele word in blaardeeg verpak en in die oond gaargemaak. Die blaardeeg moet verseker dat die vog nie uit die pakkie verdwyn nie, en dat die geure van die speserye in die vleis kan intrek. Hierdie twee bestanddele het suiwer 'n funksionele taak en hoef nie geëet te word nie. Vir baie is dit egter die verrassing van die gereg.

'n Hele beeshaas kan toegedraai en gebak word, en dan voor opdiening gesny word, of die beeshaas kan in individuele gedeeltes voor toewikkel en bak gesny word. Vele speserye word bygevoeg om die smaak te verbeter; 'n paar voorbeelde is wonderpeper, enige braaimengsel of gemmer.

Wikimedia Commons bevat media in verband met Beesvleis Wellington.

• Resep op kookkuns.com

Hierdie artikel is ’n saadjie. Voel vry om Wikipedia te help deur dit uit te brei.

Hierdie artikel is in sy geheel of gedeeltelik vanuit die Engelse Wikipedia vertaal.

Hierdie artikel is in sy geheel of gedeeltelik vanuit die Nederlandse Wikipedia vertaal.