Hoan-á-hoé

Hoan-á-hoé (番仔火), Hoan-kiáⁿ-hóe (番囝火) sī chi̍t-ki chi̍t-ki khí-hoé ê ke-si, iōng chi̍t-pái tio̍h tàn-tiāu. Hoan-á-hoé thong-siông tī bē hun ê tiàm ia̍h-sī kám-á-tiàm bé ē tio̍h. Hoan-á-hoé chin hán-tit ko͘-chi̍t-ki bē, lóng chng kui a̍h ia̍h-sī chi̍t chí chi̍t chí leh bē. Hoan-á-hoé-ki ū iù-iù ê chhâ-ki chò--ê mā-ū ngē choá-ki chò--ê, tī kî-tiong chi̍t-pêng téng-thâu ū kô͘ chi̍t-chân ē khí-hoé ê bu̍t-chit, thong-siông sī hâm phosphorus ê bu̍t-chit. Chit-têng khí-hoé ê bu̍t-chit nā khì lù tio̍h sek-tòng ê piáu-bīn, tio̍h-ē in-ūi boâ-chhat (磨擦) ê jia̍t lâi to̍h-hoé--khí-lâi. ^[1]

Kan-taⁿ tī te̍k-sû ê piáu-bīn lù chiah ē to̍h ê hoan-á-hoé hō-chò an-choân hoan-á-hoé; tī jīn-hô chho͘-chhò piáu-bīn lù tio̍h ē to̍h ê kiò-chò chhìn-chhái-lù hoan-á-hoé (strike-anywhere matches).

Chham-khó lài-tah.

1. ↑ Concise Oxford