馬來短劍

馬來短劍又譯做格里斯劍（印尼文：keris；馬來話：keris；他加祿話：Kalis；泰文：กริช），係馬來群島同馬來半島各民族用嘅一種獨特短劍，主要喺印尼、馬來西亞、汶萊、泰國南部同埋菲律賓南部等「馬來世界」傳統文化圈地區流行，喺日本有類似嘅蛇行劍。由於佢嘅劍刃係波浪型，所以亦被叫做波狀刃短劍、波紋劍。

「格里斯」一詞來源於古代爪哇語中「ngiris」一詞，呢個詞意思係刺或者劈^[1]。西方國家成日將呢把劍個名拼寫做「kris」，然而喺東南亞唔少國家叫佢做「Keris」。例外嘅係，菲律賓嘅摩洛人將呢把劍拼寫做「Kalis」或者「Kris」，而喺泰國就讀做「Kris」。另外，以前有一啲歐洲殖民者亦曾經將呢把劍嘅名拼寫做「cryse」、「crise」、「criss」、「kriss」或者「creese」。

喺印尼爪哇島，每個家庭入面嘅男性成員都會佩帶馬來短劍。馬來短劍往往會有一個彎曲嘅劍柄，噉嘅設計能夠加強砍、刺敵人時劍刃嘅壓力。但係除咗劍柄之外，無對手保護裝置。而且馬來短劍嘅劍刃係彎難以控制，所以使用馬來短劍時如果技術不精，好容易刺傷自己。

依家馬來短劍一般用於宗教同儀式上，被當作護身符同埋傳家寶，或者慶典嘅飾物。東南亞亦流傳住好多有關馬來短劍嘅神話傳說^[2]。2005年，聯合國教科文組織確認印尼嘅馬來短劍為世界非物質文化遺產^[2]。

馬來短劍主要分兩種唔同形式嘅劍，直長型馬來短劍象徵「靜」，主要作為防守用馬來短劍；彎曲型馬來短劍象徵「動」，主要作為進攻用馬來短劍，通常彎曲行馬來短劍嘅彎曲數量為奇數。而一把馬來短劍鍛造過程好花工序，通常需要反覆鍛造入火500次，先至鍛造出一把基本馬來短劍。

 呢篇馬來短劍係一篇同文化有關嘅楔位文章，重未完成嘅。麻煩你幫手補充佢嘅內容。