透鏡

透鏡(粵拼：tau3 geng3)係用折射原理去集中又或者散開光線嘅光學架生。簡單嘅透鏡由一塊透明嘅物料構成，複雜啲嘅複合透鏡就會包含幾塊簡單透鏡。透鏡通常係用玻璃或者透明嘅膠造，靠打磨或者倒模成型。

除咗折射可見光嗰啲，用嚟集中又或者散開光譜入面其他電磁波、聲波、甚至粒子束嘅工具都會統稱叫做透鏡，例如微波透鏡、電子透鏡、聲波透鏡等等。

透鏡可以分做兩大類：凸透鏡同凹透鏡。

透鏡係光學上嘅重要基礎概念，係折射嘅必然結果：想像而家有束光喺空氣入便前進，行行吓射咗入去一塊用玻璃造嘅透鏡嗰度，塊透鏡係透明嘅，容許光通過。不過玻璃同空氣係兩種好唔同嘅介質，所以光通過透鏡嘅途中會因為折射而出現彎曲嘅情況；透鏡可以分做凹透鏡^{[e 1]}同凸透鏡^{[e 2]}兩大種，前者中間薄邊緣厚（由側邊望落好似凹咗入去噉）而後者中間厚邊緣薄（由側邊望落好似凸咗出嚟噉）——好似下圖嘅圖解噉：

凸透鏡  凹透鏡

凸透鏡抽象圖解  凹透鏡抽象圖解

凹透鏡嘅中心薄過邊緣。當平行嘅光線穿過一塊凹透鏡嗰陣，佢哋會「散開」彼此遠離——凹透鏡因此又有個名叫發散透鏡^{[e 3]}。由凹透鏡嘅其中一邊睇，嚟自透鏡另外嗰邊嘅影像望落會細過實物，而且彷彿好似係由某焦點^{[e 4]}發射出嚟嘅噉，當中個焦點同發射光源喺同一邊。由於光線散開咗，凹透鏡唔會做到將啲光線嘅影像投影喺一塊屏幕上便。喺視光學上，凹透鏡可以令光線去到對眼之前散開，令到影像更加清晰，因此可以用嚟矯正近視嘅問題。

凸透鏡，又叫會聚透鏡^{[e 5]}，中心厚過邊緣厚。當平行嘅光線穿過一塊凸透鏡嗰陣，佢哋會「會聚」彼此靠近，佢哋聚埋一齊嗰點就係焦點。凸透鏡可以產生虛影像——由凸透鏡其中一邊望，望住由凸透鏡另外嗰一邊通過透鏡而嚟嘅光線，就可以見到虛影像。同時因為凸透鏡令到光線「聚埋一齊」，通過咗凸透鏡嘅光線有可能喺凸透鏡嘅呢一邊產生實嘅影像，並且投影落一塊屏幕度：如果屏幕同凸透鏡嘅距離超過焦距^{[e 6]}，屏幕就會產生上下掉轉咗嘅實影像。

• 相機
• 影相
• 眼鏡

文中用咗嘅詞彙嘅英文版：