לינדז
א לינדז אדער אָביעקטיוו איז אַ דורכזיכטיקער אביעקט (ווי גלאז, פּלאַסטיק אָדער אפילו אַ טראפ וואַסער) וואָס ענדערט וויאזוי זאַכן זען אויס דורך בייגן דאס ליכט וואס גייט אדורך אים. א לינדז קען מאַכן אז אן אביעקט זאל אויסזען גרעסער, קלענער אדער קאַפויער. מען ניצט לינדזן אין ברילן, קאנטאַקטלינדזן, קאַמערעס, פראיעקטארן, מיקראסקאפן, טעלעסקאפן, לופעס אא״וו. אויך האט יעדער אויג אַ לינדז.
זיי אַרבעטן דורך ברעכונג, ד״ה בייגן דאָס ליכט.
לינדזן האָבן דריי הויפּט פֿארעמעס. די דריי טיפן לינדזן זענען:
- קאנוועקס : דער צענטער טייל איז דיקער
- קאָנקאַווע : דער צענטער טייל איז דינער
- פֿלאַך
געשיכטע
[רעדאַקטירן | רעדאַקטירן קוואַלטעקסט]
דאָס וואָרט "לינדז" שטאַמט פון דעם לאַטיינישן וואָרט lens, א לינז, ווייל די ערשטע קאנוועקסע לינדזן האבן געהאט די פֿארעם פֿון א לינז בעבעלע.