臺灣蔴雀

臺灣蔴雀（粵拼：toi4 waan1 ma4 zoek2），又叫臺灣牌（toi4 waan1 paai2），或者簡稱臺牌，係一種臺灣式嘅蔴雀玩法，特點係打十六張牌，所以又有人叫佢做十六張麻雀。

臺灣麻雀原本係福建蔴雀一個分派，臺灣牌嘅十六張牌玩法就係師承自福建蔴雀，後來受日本蔴雀影響而自成一家。

臺灣牌除咗特別在打十六張牌，又保留咗老章嘅冧莊制度，即係指莊家如果贏咗一鋪，可以再做多次莊，臺灣叫噉做「連莊」。另外，自摸同其他蔴雀都係贏三家，但係其他蔴雀都係由三家攤分，但臺灣牌就要每一家畀足，而唔係好似香港牌噉×1.5倍，換言之自摸就會贏三倍，於是形成有啲人出銃都唔食糊，寧願等自摸，為咗針對呢個問題，又定咗「過水」呢條例出嚟。臺灣牌又有一炮多響，即係指出銃如果有幾個人一齊食糊，噉出銃者就要輸晒幾家，可以算係咁多種蔴雀之中最大鑊嘅輸法。

另外又有「眼牌」，當叫緊糊嘅時候，你可以行去每一家後面，睇人哋做緊乜嘢牌。不過如果眼牌嗰陣有其他人食糊，噉眼牌條友就係唔係都要輸一番畀食糊者，當做「觀光費」。而臺灣牌計分或者籌碼，唔係按臺逐倍遞增，而係有一個基數，幾多番就跟返個基數計分或者計籌碼咁。亦無限定要幾多番先可以食糊，只要食到糊總有一個最低基數可以贏，呢啲無番嘅糊叫做「大雞糊」或者叫「屁胡」。形成臺灣牌以鬥快食糊為目的但係由於打十六張牌，加上番種多，即使鬥快食糊，仍然可以有好多變化。呢啲都係臺灣牌嘅特點。

每人輪流行牌，咁叫做「一手」或者「一個打序」。四家行牌一周為之「一巡」。砌牌到食糊或荒局為之「一盤」，第一盤四人每輪流做莊下莊一回為之一圈。每四圈為之一將「（雀）」。三張相連嘅序數牌叫做「順子」，三張相同嘅牌叫做「坎子」或「刻子」。四張相同開咗槓嘅牌為之「槓子」，糊牌牌面嗰一對相同嘅牌為之將眼。順子、刻子、槓子統稱「搭子」。

一手牌17張，唔包花牌、槓牌逾張，組成5副完成順子、坎子或者槓子同一對將眼，稱之為「五搭一對」，就可以食糊。另外亦有花糊，好似：配到、摸到、或者搶到花牌，八花齊集一家。

第一圈開始之前四個人隨意入座，拎東南西北四張牌任意疊起，由是但一個人掟三粒骰，所得點數由掟骰嗰個人計逆時針序輪點，點到嗰個位就定為東座位，由點到者起依次序喺疊起嗰東南西北四張牌拎一張，根你拎得個位以東南西北逆時針序重新入座，第二圈起每將喺原座位搬風，由前一將最後一盤糊牌個人掟骰，用同樣方法更換座位，四人新座位之間順序唔可以同之前一圈相同，唔係要重搬。

每圈第一盤由東家掟三骰子，所得點數根同樣方法輪點，點到個位就定為莊家位，亦即係呢圈嘅莊位。圈風器固定擺喺起莊位左桌角。莊家如果糊或嗰盤荒局就連莊，唔係就依逆時針序各家輪流做莊。每次輪到起莊位就叫做「一風圈」開始，圈風器就要遞轉一序。

每盤牌開始前由各家合力將所有牌張掉轉正面，同時合力充分搞勻，為之洗牌。

手牌有四張相同牌，可以喺摸牌之後以牌背面放喺門前，唔使畀人睇到牌面，然後槓尾補牌。

分加槓同碰槓二種。碰得嘅明可以同手牌入面相同嘅第四張開槓補牌，為之加槓。手牌入面已經有暗坎，其他人打出相同嘅第四張就要開槓補牌，為之碰槓。明槓四張牌一定要開出嚟見人。

手牌入面明暗牌同其他人捨牌(含加槓)或者本身嘅摸牌組成「五搭一對」就為之胡牌，可以食糊，除咗「五搭一對」，重有啲特殊胡牌好似嚦咕嚦咕、花胡等同樣可以食糊。

胡牌時手牌同花牌成副牌嘅組合牌型同台數，為之牌面。

即廣東牌嘅「叫糊」，當係只係爭一張牌就可以食糊，就為之聽牌，除咗天聽或者地聽，聽牌唔須要特別宣布。

即係廣東話「出沖」或者「出銃」。打出嘅牌有人食糊，為之放銃。如果係叫緊糊就為之胡銃。

幾家同時胡牌，咁離放銃者順序最近一家可以優先胡牌，但如果胡牌者已經伸手摸牌就喪失優先權。

得糊牌而唔食糊，為之過水，之後本身再打出（或加槓）一張無得糊嘅牌前唔可以食糊，否則當詐胡。如果得胡牌者未食糊但伸手摸咗牌都當過水。

打出（或加槓）一張食唔到胡嘅牌就可解除過水，加槓補牌如果成胡，自摸都有效，過水嗰陣暗槓因為無實際打出牌，都唔當係解除過水，而補牌唔可以當自摸。

打到尾都無人食糊，即係話牌牆除殘牌8墩外都摸晒，但仍然無人有糊牌，為之荒局，要重開新盤，而莊家續莊，同時施行鐵八墩殘牌牌局，要得廢除俗稱一路歸西、四風連和、四槓和局、九么和局等荒局作法。

即係摸漏牌或摸多咗牌，正常冇人發現或者和局就走得甩，但若果有人發現而且出銃嘅話，就包全家（即係食糊嗰個人食嘅番所得嘅錢乘3）。

• 台灣麻雀計番