悲嘆河

悲嘆河bei1 taan3 ho4（英文：Cocytus，讀音似粵拼：kou6 saai1 tat4s），或者譯悲嘆湖bei1 taan3 wu4，係一笪傳說中嘅地方，最先出現喺希臘神話裏面。

喺歷史上，悲嘆河嘅形象出現過顯著變化，例如 14 世紀天主教作品《神曲》所描繪嘅 cocytus 同希臘神話入面嘅 cocytus 有相當大嘅差異－希臘神話入面嘅 cocytus 係一條河（呢度譯做悲嘆河），而喺《神曲》入面嘅 cocytus 係一個湖（呢度譯做悲嘆湖）。

悲嘆河個名嚟自古希臘文：Κωκυτός（羅馬字：kōkūtós），即係古希臘文「悲嘆」噉解。

喺希臘神話入面，悲嘆河係冥界嘅其中一條河，亦係圍繞住死神哈帝斯（Hades）身處之地嘅五大河之一^[1]。

著名 14 世紀詩歌《神曲》（Divine Comedy）入面講到當時天主教想像中嘅地獄。神曲描繪嘅地獄分九層，最底第九層嘅係「冰之地獄」悲嘆湖－根據神曲嘅描述，悲嘆湖係一個結嗮冰嘅大湖，專門用嚟懲罰叛徒嘅；路西法（Lucifer；因為謀反而畀上帝逐出天國嘅前天使）身處喺悲嘆湖正中央，下半身畀冰封實嗮，佢嘅三個口其中一個就咬住猶大（出賣耶穌嗰位門徒），同時路西法係噉喺度拍佢對翼，產生極凍嘅風令佢同佢身邊嘅叛徒更加凍。

• 哈帝斯
• 路西法
• Niflheim
• OVERLORD，其中一個主要角色個名就係嚟自悲嘆河嘅。

• hell - Greece and Rome. Encyclopedia Britannica.