急庇利街

急庇利街（Cleverly Street）係香港嘅香港島上環嘅一條街，近香港電車上環總站，全長只有400米，南北向，全條路都喺填地之上，由南面皇后大道中起，穿過蘇杭街、畢街、文咸東街、永樂街、德輔道中，最後止於干諾道中。沿街都係6層高嘅唐樓為主，中段東轉入永樂街，去到禧利街就係港鐵港島綫上環站入口。

香港電車有一段仔經急庇利街。上環總站喺德輔道中，摩利臣街同急庇利街之間。因為德輔道去到摩利臣街已經到尾，所以德輔道去干諾道嘅車就要先轉入摩利臣街，而干諾道去德輔道就入急庇利街，條軌就打咗個圈咁。

急庇利街最出名係找換店，總共有七間。嗰處都有海味舖。

急庇利街個名係第二任量地官基化厘（又譯急庇利）來。