碳

碳（Carbon）是一种元素，伊个符号为C，原子序数为6。是一种蛮常见个非金属元素，伊亦是四价元素。有交关个同素异形体。

所有生命体里向都有碳，而碳是有机化学之本。伊可搭自己，或搭其他元素结合。乃兴晓得有超过一千万种化合物。伊搭氧搭界，就是植物生长必要个二氧化碳。搭氢搭界，就是碳氢化合物，藏勒化石燃料里向，亦是交关工业必需个。搭氧搭氢一龙总结合，就是组成仔生命个一大堆化合物。而伊有个同位素碳14，靠测伊个衰变就好做年代个定。

碳个丰度拉地球地壳中排列第15，并拉全宇宙中排列第4，名列氢、氦搭氧下头。由于碳元素极为充沛，再加上伊拉地球环境下所能产生个聚合物种类极为繁多，因此碳是地球上所有生物个化学根本。

特性

碳个各种同素异形体个物理特性差异极大，例如钻石是最坚硬个天然物质，而石墨则是最柔软个物质之一。碳可以搭众多较小原子（包括碳原子）产生多个共价键，因此碳化合物个总数是各个元素中最高个，已发现个有近一千万种，占所有已知化合物个绝大多数。

碳化合物是地球上所有生物个化学基础。碳氮氧循环反应是太阳搭仔其他恒星内部部分能量个来源。虽然碳拥有上千万种化合物，但碳拉一般条件下个化学性质并弗活跃。拉标准温度搭压力下，碳能够抵抗几乎所有个氧化剂，并只会搭最强个氧化剂反应。

箇篇文章內容忒少哉，儂要是畀佢修改搭補加內容便最好哉。