同性婚姻

同性婚姻（或者称为“同性恋婚姻”或者“同性别婚姻”），两个同性别个体之间个婚姻。（乃歇也有除开婚姻个其它形式个同性结合）

由同性恋权利支持者使用个婚姻个定义是：

一个获得社会承认个、自愿个、忠贞个、单配个、合法个两个成年人之间个契约结合，由政府搭/或社会通过给与特定个权利、待遇搭责任表示认可。搿星权利包括经济、税收、遗产、抚育子女、收养子女搭做出医疗决定个权利。

简而言之，就是拿原来婚姻定义里向个一男一女揩脱，使得同性婚姻变成可能。搿个定义个支持者欢喜伊，因为伊去脱仔传统观念，以现代个重视尊重个体权利道德观念决定同性婚姻有效。假如社会认同，任何关系侪可以认为是“婚姻”。但现在世界上多数社会侪认为“一男一女”是婚姻个基石，绝对弗能去脱，个了前面搿批人拨认为是严重歪曲婚姻观念。

婚姻可以分为宗教婚姻（可能也弗拨法律承认）搭世俗婚姻、国家承认个合法婚姻（可能也弗拨宗教组织认可）。勒一星国家，宗教婚姻搭世俗婚姻是同时进行个，而勒另外一星国家，宗教婚姻必须等到政府批发文件之后，或者一个法定个仪式举行之后才合法。要晓得仔多点，请参见婚姻。

从历史浪来讲，婚姻通常是弗容易定义个。勒弗同个社会，可能有过一星类似婚姻个结合，但是伊俚弗一定符合今朝婚姻个定义。

详情请看中国同性恋、日本同性恋、同性恋历史

勒东方，有关同性之间个情爱或欲望老老早早就有记录。搿种欲望形成一种同性结合，通常是男性之间，而且一般随仔年龄弗同而弗同（关于古代女性同性关系个信息要少得多。居可能部分反映仔箇浪子一种观念：描述妇女是弗必要、不恰当个，或者可能是因为女性同性关系朆受到男性同性间关系个重视，甚至可能是因为女性朆得垃搭男性一样个平等地位，个了男性可以自由个勒婚内或者婚外追求性渴望搭情爱，而女性一般弗能够）。

中国性研究专家李银河曾经两趟试图朝全国人大提交同性婚姻立法，但是因为朆收集垃足够个签名而失败。2006年李银河咦朝中国人民政治协商会议提案。全国政协新闻发言人吴建民表示，同性婚姻勒中国仍太超前。有人讲，李银河教授仍勒继续努力，提交“同性婚姻法”提案拨全国人大。[1]

• 2003年底，台湾政府表示要把同性婚姻合法化，要把台湾成为亚洲头一个认可同性婚姻个地区。但是到现在该项法案仍朆获得国会立法通过。
• 2006年10月20号，台湾立委萧美琴个“同性婚姻法”草案，获得立法院足额立委连署，跨过门槛正式提案，并勒2006年10月17号排进立法院议程，勒2006年10月20号完成一读。居是台湾同性婚姻立法进程当中历史性个事件。

LGBT搭同性恋研究系列
性别 · 同性恋 · 双性恋 · 跨性别
LGBT历史
LGBT历史进程 · LGBT社会运动 · 同性恋解放
性取向文化
同性恋社区 · 同性恋服装 · 同性恋俚语 · 同性恋村 · 同性恋自豪日游行 · 同性恋理论 · 同性恋搭宗教 · 妇女分离女权 · LGBT标志
同性恋法律
同性婚姻 · 同性恋领养 · 鸡奸法
类别
This box: 查 • 論 • 編

同性婚姻现在只勒荷兰、比利时、西班牙、加拿大、南非、挪威、瑞典、葡萄牙、冰岛、阿根廷、丹麦、乌拉圭、新西兰、法国、卢森堡、美国、爱尔兰等17只国家搭仔墨西哥个墨西哥城，英国个英格兰、威尔士和苏格兰等场化是合法个。

勒20世纪末期搭仔21世纪初期，有星要求把婚姻扩展到同性之间个运动开始发展出来。法律规定个婚姻结合包括一系列个权利开发，比如社会保险、纳税、继承搭仔其它未婚夫妇难以获得个权利。法律浪对婚姻个认同方式排除仔同性情侣取得搿星权利个权力（比如讲同性情侣弗容易领养子女）。

反对同性婚姻个人一般侪有宗教背景，渠俚认为同性婚姻有可能破坏传统个婚姻价值观。勒一星一夫一妻制度国家，人开始担心事，允许同性婚姻会得重新开多夫多妻制度个立法，或者其它弗垃好个方式。

作为回应，支持同性婚姻个人表示，传统观念个婚姻已经让位拨其它领域个自由主义，比如讲，可行个无过错离婚。另外，一星宗教开始承认、庆祝同性婚礼或承担典礼。勒加拿大，同性婚姻造成仔宗教团体分裂，国家最大个新教宗派加拿大联合教会（United Church of Canada）搭圣公会部分教会，对同性婚姻表示一定程度个支持。

有星自由主义者反对同性婚姻，是因为渠俚反对一切形式个国家认可个婚姻，里向也包括异性婚姻。

要求法律认可同性恋婚姻个运动已经取得一定成效，改变个程度有所弗同：

• 民事结合为同性婚姻提供顶广泛个权利搭义务，但是用个是弗同于“婚姻”个名称来称呼。搿种类型勒到欧洲一星国家搭墨西哥个科阿韦拉州等落场。
• 家庭伴侣关系或注册伴侣关系（registered partnerships）提供弗同程度个权利搭义务，通常远远比公民结合所提供个权利要少。目的弗限定勒同性间个婚姻。

就算勒有法律认可个地区，交关同性恋情侣仍选择结婚（一般叫“承诺典礼”：commitment ceremonies）来庆祝搭确定伊俚个关系，履行社会婚姻方面个内容。但是搿种婚姻弗具备法律效力，个了呒处处理继承、财产权搭社会保险等方面个内容。

• 中国同性婚姻
• 台湾同性婚姻
• 民事结合

• 同性婚姻来自LookSmart
• GLB婚姻搭国内伴侣关系 档案，存勒互联网档案馆当中。（2007年8月19号）来自Open Directory Project
• 同性婚姻搭国内伴侣关系 档案，存勒互联网档案馆当中。（2006年8月30号）来自雅虎
• Frequently Asked Questions: Goodridge et al. v. The Department of Public Health 档案，存勒互联网档案馆当中。（2007年8月17号） by the Human Rights Campaign
• Stonewall campaign in the UK for links to government papers in PDF format 档案，存勒互联网档案馆当中。（2007年2月5号）
• 弗要同性婚姻
• 同性婚姻是否比《圣经》更早出现？ （英语）

维基共享资源里向寻得着搭该篇文章搭界个多媒体资源：

同性婚姻