Hi Xi Jinping (kaluwas [ɕǐ tɕînpʰǐŋ], Tsinino: 习近平; natawo 15 Hunyo 1953) amo an Mangulo han Kanan Katawhan Republika han Tsina, Maghirilom nga Kasahiran han Partido Komunista han Tsina, ngan an Mangulo han Namumutnga nga Komisyon Militar. Komo Maghirilom nga Kasahiran han Partido, ex officio nga api gihapon hiya han Permanente nga Komite han Politburo han PKT, an de facto nga gihataasi nga nahimo hin mga desisyon ha Tsina.
Anak hiya han beterano nga komunista nga hi Xi Zhongxun, ngan hi Xi Jinping sinmaka tikang ha mga ranggo ha politika ha mga lalawigan ha daplin han dagat ha Tsina. Nag-alagad hiya nga Gobernador han Fujian ha butnga han 1999 ngan 2002, sunod komo Gobernador ngan hefe han partido han harani nga lalawigan han Zhejiang ha butnga han 2002 ngan 2007. Sunod han pagpaiwas ha puwesto kan Chen Liangyu, ginbalhin hi Xi ngadto ha Shanghai komo hefe han partido hin madali la nga panahon han 2007. Ginpasaka hi Xi ngadto han hataas nga pamunoan han Oktubre 2007, nga gin-andam nga magsunod kan Hu Jintao.
Hi Xi yana amo an nangunguna han ikalima nga henerasyon hin pagpamuno ha Kanan Katawhan Republika han Tsina.[1] Nagpatawag hiya hin bag-o nga kampanya patok han pangorakot, padayon nga reporma hin ekonomiya, buklad nga pagpangita han pagdumara, ngan hin bug-os nga nasodnon nga pagpukaw ha ilarom han neologismo nga "Inop nga Tsino".[2]
Mga sumpay hin mga may kalabotan nga barasahon |
|---|
|
