fruzi

Dobès rfondowes

fruzi

frumjhî

Viebe * «frumhi», disfondowe di "frumjhî", avou fondaedje do M. Did la, lu U ki dmeure court dins les motîs; û long forcoridjî dins "frûzion" (Emile Wiket), ridaedje H => Z, come dins «bat'hî» => batizer, «gléhe» => eglîze, sîhe => sîze, avou l’ cawete di codjowaedje « -i » des viebes (etimolodjeye nén acertinêye)

• AFE :
  • diferins prononçaedjes : /fʀyːzi/ /fʀyzi/
  • prononçaedje zero-cnoxheu : /fʀyːzi/
• Ricepeures : fru·zi

fruzi (v. sins coplemint)

1. esse mouwé et sinte come on ptit tronnmint di tot s' coir a cåze d' ene raedje ki vos emonte.
   • Dji fruzixh totes les feyes ki dj' l' ô djurer come on poirteu d' saetchs — Motî Forir (fråze rifondowe).
2. minme sintimint a cåze del pawe.
   • Ene houlote, sol piket do pré Roland, tchawa... Li grand Djam fruzixha et dna-st on côp d' corijhe al Rossete po lyi fé wangnî å pus abeye li måjhinete do vî Pagna — Marcel Hicter (fråze rifondowe).
   • Come ene biesse plinne di måvasté
     Ki hoûle å moens k' on î pinse
     Et ki vs fwait fruzi cwand ça cmince,
     Li tonire pete di tos costés — Georges Meurisse (fråze rifondowe).
   • On n’ fruzixh nén po des tchitcheyes
     Li cou sol Terisse des Coirbås — Guy Fontaine, dins l' tchanson «Set solos po Rathmès» (fråze rifondowe).
   • Si mere ossu tapa ene atote :
     — Ê, djupsyin ! Di wice vinoz vs, djans ?
     Vos savoz bén k' dji fruzixhe tote cwand vos rintrez si tård des tchamps!
     — Louis Lagauche, "Li ptit hierdî" (1926), p. 46 (fråze rifondowe).
3. minme sintimint a cåze d' on bouneur, d' on bouneur passé.
   • L' aiwe ki glisse evoye est si peure
     Ki l' båjhe d' ene fleur ås rôzès lepes
     El fwait fruzi — Léon Warnant (fråze rifondowe).
   • Ti rapinses tu co di l' esté passé ?
     Nos t' vinéns co vey deus feyes li samwinne.
     Binamé ptit banc, louke, rén k' d' î tuzer,
     Dji sin k' dji fruzixh, et dji rvoe Madlinne — Émile Wiket (fråze rifondowe).
   • Vos grands oûys plins d’loumîres
     Årdèt come èn åté,
     Et vos fènès påpîres
     Frusihèt d’leû clårté…— Émile Wiket, "Fruzions d' cour", p.48.
   • Po l' ci k' dj' a fwait fruzi l' åme,
     Lyi discovrant çou k' ele a d' catchî,
     K' a sintou tot m' léjhant, ene douce låme,
     Ene låme di fré, di s' cour brotchî— Martin Lejeune, Bultén del Societé d' Lidje, "Por zèls !", tome 44, p. 409 (fråze rifondowe).
4. tronner (di froed, evnd.).
   • Dji fruzixh divins les rins — Motî del Hesbaye (fråze rifondowe).
   • Louke les cladjots ki fruzixhèt a l' air.
   • L' ivier pout caker a m' finiesse,
     Si alinne ni m' såreut fé fruzi— Martin Lejeune, "Prétimps dè coûr", 1897 (fråze rifondowe).
   • Portant, viè saze cint cwarante troes,
     I veyît leu deujhinme pont d’ pire,
     Fruzi mågré ses deus cints ans,
     Et ci-la k’ esteut si pezant
     Pica s’ tiesse el gofe Sitinbire !— Joseph Vrindts, ”Vîx Lîge” (1901), p.12, “Li Bonne Chance fait tot” (fråze rifondowe).
5. fé on ptit mouvmint tot cåzant d' èn efant dins l' vinte di s' mame.
   • Paski, cwand dj' a oyou vosse bondjoû, l' efant ki dj' poite a fruzi d' djoye ådvins mi-minme — Jean-Marie Lecomte, Evandjîle sint Luk (ratournaedje) (fråze rifondowe).

• fruzixhaedje, fruzixhmint
• fruzion
• fruziner, fruzinaedje

• (tos les sinses) : frumjhî
• (di pawe) : tronner, awè l' tchå d' poye

w. do Levant

fruzi

1. Pårticipe erirece do viebe "fruzi".
   • Paski, cwand dj' a oyou vosse bondjoû, l' efant ki dj' poite a fruzi d' djoye ådvins mi-minme — Jean-Marie Lecomte, Evandjîle sint Luk (ratournaedje) (fråze rifondowe).

Dobès rfondowes

fruzi

fruzixh

fruzi

1. indicatif prezintrece, prumire djin do singulî, do viebe « fruzi » (rålmint eployî)
2. kimandeu prezintrece, deujhinme djin do singulî, fôme camaerådrece