West-Azië

West-Azië of Zuudwest-Azië is 't mêest westelik dêel van Azië. 't Bestoat uut twientig land'n die hêlegans of gedêeltelik in de regio lign: Armenië, Azerbeidzjan, Bahrein, Cyprus, Egypte (Sinaï-schiereiland), Georgië (Aziatisch dêel), Irak, Iran, Israël, Jemen, Jordanië, Koeweit, Libanon, Oman, Palestina, Qatar, Saoedi-Arabië, Syrië, Turkeye (Aziatisch dêel) en de Verênigde Arabische Emiroat'n.

De regio wordt van Afrika geschèid deur de landengte van Suez in Egypte. In 't nôordôost'n dervan ligt Centroal-Azië en in 't ôost'n Zuud-Azië. Roend de regio lign twoalf zêen: d' Egeïsche Zêe, de Zêe van Marmara, de Zwarte Zêe, de Kaspische Zêe, de Perzische Golve, de Golve van Oman, d' Arabische Zêe, de Golve van Aden, de Rôo Zêe, de Golve van Akaba, de Golve van Suez en de Middellandsche Zêe. 't Gebied omvat d' overgrôte mêerderheid van 't Midd'n-Ôost'n, moa met uutzoenderienge van 't grotste dêel van Egypte en 't nôordwestelik dêel van Turkeye.

West-Azië hèt en ippervlak van 5.994.935 km² met e bevolkienge van oengeveer 313 miljoen. Van de twientig VN-lidstoatn die hêlegans of gedêeltelik in de regio lign, moak'n der dertiene dêel uut van d' Arabische weireld. De mêest bevolkte landn in West-Azië zyn Iran, Turkeye, Irak, Saoedi-Arabië en Jemen.

Ofbeeldiengn die ier by passn ku je vien in de categorie West Asia van Wikimedia Commons.