Lapland

Lapland ligt in 't nôordelik dêel van Nôorweegn, Zweedn, Finland en Rusland (Kola). Lapland wil zeggn 'Land van de Lappn'.

't Volk van de Lappn, de Saami genoemd, beschikt wel over verschillige eign toaln (de Samische toaln), moa nie over een eign stoat. De grotste steedn zyn Rovaniemi en Kiruna.

Lapland ligt dichte by de poolstreekn en de wienters deurn styf lange en ze zyn yzig koud. In de wientermoandn is 't poolnacht en komt de zunne nie up. In de zomermoandn goat de zunne nie oender. 't Landschap bestoat uut uutgestrekte busschn, heideveldn, meern en moerassn.

De rendierteelt is styf belangryk vo de Lappn. Surtout de Berglappn die roendtrekkn, hen grôte kuddn.

• 
  Landschap in Lapland
• 
  Saami familie
• 
  Lappn met under rendier

Ofbeeldiengn die ier by passn ku je vien in de categorie Lappland van Wikimedia Commons.