Vesprem (lidn)

Vesprem
Veszprém

Lidnanznam	Flag
Valdkund	Mad'jaranma
Eläjiden lugu (2019)	59,738 ristitud
Pind	126,9 km²
Pämez'	Djula Porga (reduku 2010—, Porga Gyula)
Telefonkod	+36−88
Aigvö	tal'vel UTC+1, kezal UTC+2

Sil sanal voib olda toižid znamoičendoid; miše nähta niid, tulgat tänna.

Vesprem (mad'j.: Veszprém, saks.: Weißbrunn, sloven.: Belomost, slovak.: Vesprím) om lidn Mad'jaranman päivlaskmas. Se om ühtennimižen agjan pälidn.

Eländpunktan aluz om pandud zamkaks kall'on (kukhan) päl, frankalaižil ezimeletaden Karl I Sur'-kunigahan aigan (8.-9. voz'sadad) Bela III-ruhtinasen aigkirjan mödhe. Mad'jaralaižed tuliba regionha i sauvoiba lidnust Ištvan I Pühä-kunigahan aigan (10. i 11. voz'sadan röun). Vesprem kändihe ühteks ezmäižiš Mad'jaranman lidnoišpäi episkopkafedranke vl 1009. Lidnan episkopad vencaiba valdkundan kunigahiden akoid kunigaznaižikš. Avstrijan sodamehed mureniba lidnusen seinid vl 1706.

Vesprem šingotase mašinansauvomižen äjil edheotandoil (avtopalad, instrumentad), elektroladimišton pästandal medicinan täht, logistikan keskusil.

Lidn sijadase seičemel nimitadud kukhal, Šed-jogen randoil (mad'j.: Séd 70 km pitte), 15 kilometras lodeheze Balaton-järven randišton pohjoižagjaspäi. Matkad Budapešthasai om 110 km pohjoižpäivnouzmha avtotedme vai kaks' časud jonusel.

Vl 2013 eläjiden lugu oli 60 876 ristitud, agjan kudendez. Kaikiš suremb lidnan ristitišt oli 63 867 eläjad vl 1990.

Rahvahad (2011): mad'jaralaižed — 83,9 %, saksalaižed — 2,4 %, čiganalaižed — 0,7 %, toižed rahvahad — 13 %.

Religijan mödhe (vn 2011 rahvahanlugemine) lidnalaižiden 38,9 % oliba riman katolikad, 0,3 % — grekan katolikad, 7 % — kal'vinistad, 2,1 % — lüteranad, 20,6 % — religijatomad, 31,1 % — toižed uskojad vai vastuseta.

• Lidnan tobmuden oficialine sait (veszprem.hu). (mad'j.) (+ (angl.) (saks.) (fr.) matknikoiden täht)

Vesprem (lidn) Vikiaitas