Ganter Henri
| Ganter Henri | |
| angl.: Henry Gunther | |
| Genri Ganteran foto kaumkivespäi | |
| radmižen toižend: | |
|---|---|
| sündundan dat: | |
| sündundan sijaduz: |
Lua tõrge kohal Moodul:Wikidata/Places 272. real: attempt to index field 'datavalue' (a nil value). |
| valdkund: | |
| kolendan dat: |
11. kül'mku 1918[1][1] (23 vot) |
| kolendan sijaduz: | |
 Ganter Henri VikiAitas | |
Henri Nikolas Ganter vai Genri Günter (angl.: Henry Nicholas Gunther; sünd. 6. kezaku 1895, Baltimor, Merilend, AÜV — kol. 11. kül'mku 1918, Šomon-devan-Damvil'je, Francii) oli jäl'gmäine saldat, kudamb pölistui Ezmäižes mail'man voinas. Hän oli riktud ühtes minutas edel voinan lopud 11:00 časud kül'mkun 11. päiväl.
Edeline elo
[vajehta | vajehtada lähtetekst]Om vähä informacijad Ganteran edeližes elos. Hän oli sündnu Baltimorha Merilend-štatas, vn 1895 6. päiväl kezakud. Henrin kazvatajad oliba germaniženke augotižlibundanke, hö oliba Saksanman emigrantoiden AÜV:oihe lapsed. Tat — Džordž Ganter (Georg Günter), mam — Lina Rot. Edel konz tulda armijaha voden 1917 süguz'kul, Henri oli bankradnikan.
Voinradnikoičend
[vajehta | vajehtada lähtetekst]Ganter tuli ujuden Francijha heinkul 1918. Radnikoiten sai seržantan arvon, no arvod anastihe da kätihe rivičuks möst sen tagut, miše oli žal'nüs armijan elonarvoimižihe kirjeižes kodihesai, pakiči sebranikad čurazuda kucmižennopäi. Om endištadud seržantan arvos surman jäl'ghe.
Homendesel sügüz'kun 11. päiväl Ganteran jouk ainastihe kahtehe germanijalaižehe pul'kančudimpozicijha, kudambad kaičiba külän ted. Germanijalaižed pul'kančudimnikad tegiba severz'-se ambundoid amerikaižiden saldatoiden päiden ülen i sid' taciba amblusen, sikš ku teziba, miše voin oli ani lopus. No miččil-se vaukoil Ganter libui i jokseškanzi pul'kančudimnikoihepäi. Konz hän oli tulnu lujas lähele heid, hän oli amptud i koli kerdalaz.
Tegihe hibjan jändusiden egzgumacijad Francijan sodakaumištos vl 1923. Ganter om mahapandud tošti Baltimoran kaumžomha.
Kirj i fil'm
[vajehta | vajehtada lähtetekst]Rožer Fen (Roger Faindt) kirjuti kirjan Ganteran polhe: "10h59; Henry Gunther, le dernier soldat americain mort en 1918'". Sen mödhe om fil'mdud anglijankeline '"10h59'"-fil'm.
Homaičendad
[vajehta | vajehtada lähtetekst]- ↑ 1,0 1,1 Find a Grave — 1996.