Шәех Зәет мәчете

Шәех Зәет мәчете (гарәп. جامع الشيخ زايد — «җәмигъ әш-шәех зәйед») — БГӘ башкаласы Әбу-Даби шәһәрендә урнашкан гыйбадәтханә. БГӘ дәүләтен нигезләүче һәм беренче дәүләт башлыгы булган шәех Зәет ибн Солтан ән-Нәхәйян (1918-2004^[1] хөрмәтенә төзелгән.

Төп мәкалә: Берләшкән Гарәп Әмирлекләрендә ислам

Шәех Зәет мәчете — Берләшкән Гарәп Әмирлекләренең иң зур мәчете. Шулай ук зурлыгы буенча дөньяда 8нче урында исәпләнә. Мәчетнең мәйданы 5 футбол стадионы мәйданына тиң.

Мәчеткә берьюлы 40 мең кеше сыя ала.

Мәчетнең 82 гөмбәзе һәм 107 м биеклектәге 4 манарасы бар.

Әлеге гыйбадәтханә идәненә дөньядагы иң зур келәм җәелгән (5 627 м²). Келәм «Иран келәмнәре» ширкәте тарафыннан әзерләнгән. Рәссамы — Али Халики (Иран). Келәмнең мәйданы — 5 627 кв. м. Келәмне тукуда 1 200 тукучы хезмәт куя. 20 техник төркем, 30 эшче җәлеп ителә. Келәмнең авырлыгы — 47 тонна (35 тонна йон, 12 тонна мамык). Келәм төзелешендә 268 000 төен бар.^[2].

Түшәменә дөньядагы иң зур люстра эленгән (биеклеге 15 м, диаметры 10 м).

Шәех Зәет мәчете туристлар өчен (җомга көненнән кала) иртәнге 9 - 12 сәгатьләр арасында ачык, керү бушлай.

Мәчетнең «Кыйбла» диварындагы «Аллаһының 99 гүзәл исеме (сыйфатлары)» каллиграфиясен БГӘ хаттаты Мөхәммәт Мәнди әл-Тамими ясаган^[3].

1. Хусам Диб. Путеводитель по Исламу^[4]. М.: Издательство ДУМ г. Москвы, 2016. ISBN 978-5-9908782-0-4

• Шәех Зәет мәчетенең рәсми сайты(ингл.)(гар.)
• Әбү-Даби туристлык үзәгенең рәсми сайты 2011 елның 1 гыйнвар көнендә архивланган. (ингл.)(гар.)
• Аллаһының гүзәл исемнәре. Шәех Зәет мәчете

Ислам порталы