Miss Universe 1957

Miss Universe 1957
Gladys Zender, Miss Universe 1957
Petsa	19 Hulyo 1957
Presenters	Bob Russell
Pinagdausan	Long Beach Municipal Auditorium, Long Beach, California, Estados Unidos
Brodkaster	CBS
Lumahok	32
Placements	15
Bagong sali	Martinika Moroko Paragway
Hindi sumali	British Guiana Estados Unidos Olanda Republikang Dominikano Tsile
Bumalik	Austrya Ceylon Hawaii Timog Korea
Nanalo	Gladys Zender  Peru
Congeniality	Mapita Mercado Cordero Porto Riko
Photogenic	Gerti Daub  Kanlurang Alemanya
← 1956 1958 →

Ang Miss Universe 1957 ay ang ikaanim na edisyon ng Miss Universe pageant, na ginanap sa Long Beach Municipal Auditorium sa Long Beach, California, Estados Unidos noong 19 Hulyo 1957.

Pagkatapos ng kompetisyon, kinoronahan ni Carol Morris ng Estados Unidos si Gladys Zender ng Peru bilang Miss Universe 1957.^[1] Ito ang kauna-unahang tagumpay ng Peru sa kasaysayan ng kompetisyon. Nagtapos bilang first runner-up si Terezinha Morango ng Brasil, habang nagtapos bilang second runner-up si Sonia Hamilton ng Inglatera.^[2]

Mga kandidata mula sa tatlumpu't-dalawang bansa at teritoryo ang lumahok sa kompetisyong ito. Pinangunahan ni Bob Russel ang kompetisyon sa ikaanim na pagkakataon.

Ang mga kalahok mula sa tatlumpu't-dalawang bansa at teritoryo ay napili upang lumahok sa kompetisyon. Isang kandidata ang nailuklok upang kumatawan sa kaniyang bansa matapos na mapatalsik ang orihinal na nanalo.

Simula sa edisyong ito, ipinagbabawal na ng organisasyon ang mga babaeng kasal na o mga ina na lumahok sa Miss Universe. Ang pagbabagong ito ang siyang dahilan upang matanggal ang isa sa mga kandidata sa kompetisyon.^[3] Ang pagbabawal sa mga ina at mga may-anak na lumahok sa kompetisyon ay tinanggal na sa taong 2023.^[4][5]

Unang sumali sa edisyong ito ang Martinika, Moroko, at Paragway, at bumalik ang Austrya, Ceylon, Hawaii, at Timog Korea. Huling sumali noong 1953 ang Austrya at Hawaii, at noong 1955 ang Ceylon at Timog Korea.

Hindi sumali ang mga bansang British Guiana, Estados Unidos, Olanda, Republikang Dominikano, at Tsile sa edisyong ito. Hindi sumali si Corine Rottschäfer ng Olanda dahil nanalo na ito sa ibang kompetisyong internasyonal. Subalit, si Rottschäfer ang naatasan upang kumatawan sa Olanda sa susunod na edisyon.^[6] Hindi sumali ang mga bansang British Guiana, Republikang Dominkano, at Tsile sa edisyong ito matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Noong 17 Hulyo 1957, kinoronahan si Mary Leona Gage ng Maryland bilang Miss USA 1957.^[7] Subalit, pagkatapos ng kanyang pagkapanalo, naglunsad ng imbestigasyon ang mga pageant organizer tungkol kay Gage matapos lumabas ang mga haka-haka tungkol sa kanyang nakaraan. Matapos magsinungaling sa mga mamamahayag tungkol sa mga balita, ipinagtapat ni Gage ang katotohanan makalipas ang isang araw. Siya ay 18 taong-gulang lamang, at hindi 21, siya ay dalawang beses nang ikinasal, at siya ay ina sa kanyang dalawang anak.^[8] Dahil ang pagiging asawa at ina ay paglabag sa mga tuntunin ng kompetisyon, kaagad na tinanggalan ng titulo at korona si Gage, at ang titulo ay napunta sa first runner-up na si Charlotte Sheffield ng Utah.^[9][10]

Huli na para kay Sheffield na sumabak para sa Miss Universe pageant. Sa oras na inamin ni Gage ang katotohanan, kumalahok na ito sa paunang kompetisyon kung saan hinirang siya bilang isa sa labinlimang mga semi-finalist. Dahil dito, pinalitan ni Mónica Lamas ng Arhentina, ang panlabing-anim sa paunang kompetisyon, si Gage bilang isang semifinalist.^[11][12]

Tulad noong 1955, labinlimang mga semi-finalist lang ang napili at ibinunyag sa paunang kompetisyon na binubuo ng swimsuit competition at evening gown competition. Ang labinlimang mga semi-finalist ay magbibigay ng isang maikling talumpati gamit ang kanilang sariling wika. Pagkatapos nito, lumahok sa swimsuit competition at evening gown competition ang mga semi-finalist, at kalaunan ay napili ang limang pinalista.^[13]

• Armando R. Maribona – Kubanong pintor
• Lois J. Swanson – Assistant Dean ng Long Beach State College
• Vincent Trotta – Artistic director ng Paramount Pictures
• Alberto Vargas – Peruano-Amerikanong pintor^[15]
• Earl Wilson – Amerikanong mamamahayag at kolumnista^[15]
• Miyoko Yanagida – Hapones na pintor
• Roger Zeiler – miyembro ng komite ng Miss Europe

Tatlumpu't-dalawang kandidata ang lumahok para sa titulo.^[16]

Bansa/Teritoryo	Kandidata	Edad[a]	Bayan
Alaska	Martha Lehmann	18	Fairbanks
Arhentina	Mónica Lamas[17]	20	Buenos Aires
Austrya	Hannerl Melcher[18]	19	Viena
Belhika	Janine Hanotiau[19]	19	Bruselas
Beneswela	Consuelo Nouel[20]	22	Caracas
Brasil	Terezinha Morango[21]	20	São Paulo de Olivença
Ceylon	Camellia Rosalia Perera[18]	23	Colombo
Ekwador	Patricia Benítez[22]	19	Guayaquil
Gresya	Ligia Karavia[17]	18	Atenas
Guwatemala	Ana Walda Olyslager	18	Lungsod ng Guatemala
Hapon	Kyoko Otani[23]	21	Tokyo
Hawaii	Ramona Tong[24]	19	Honolulu
Inglatera	Sonia Hamilton[25]	23	Londres
Israel	Atara Barzilay[26]	18	Tel-Abib
Italya	Valeria Fabrizi[27]	21	Roma
Kanada	Gloria Noakes[13]	18	Toronto
Kanlurang Alemanya	Gerti Daub[28]	20	Utrecht
Kosta Rika	Sonia Cristina Icaza[29]	18	San Jose
Kuba	María Rosa Gamio[30]	19	Havana
Lupangyelo	Bryndís Schram[31]	19	Garðabær
Martinika	Ginette Cidalise-Montaise	18	Port-of-France
Mehiko	Irma Arévalo[17]	18	Lungsod ng Mehiko
Moroko	Jacqueline Bonilla[32]	19	Casablanca
Paragway	Lucy Montanero[33]	19	Asuncion
Peru	Gladys Zender[34]	17	Lima
Pilipinas	Mary Ann Carmen Corrales[35]	21	Maynila
Porto Riko	Mapita Mercado[36]	18	Ponce
Pransiya	Lisa Simon[37]	22	Paris
Suwesya	Inger Jonsson[19]	20	Gothenburg
Timog Korea	Park Hyun-ok[38]	22	Seoul
Turkiya	Güler Sirmen	18	Istanbul
Urugway	Gabriela Pascal	18	Montevideo

• Opisyal na website