Maldarçylyk
Azyk meselesini çözmekde ekerançylyk bilen bir hatarda maldarçylyk hem möhüm ahmiýete eýedir. Türkmenistanyň maldarçylyk pudaklarynyň hemmesi azyk we ýeňil senagatlarynyň çig mal bazary bolup hyzmat edýärler. Türkmenistanyň maldarçylygynyň esasy pudaklaryny dowardarçylyk, iri şahly maldarçylyk, doňuzdarçylyk, gylýalçylyk, düýedarçylyk, guşçylyk, ýüpekçilik, balaryçylyk, balykçylyk düzýär.