The Prayer

Ya Rebî ti zanî!

Nê nê, wa nêmiro. Ez qayîl nîya merdimêko hende ciwan bimiro. Aayyy, nê wulay!

Wa bêmêreg bo. Mesela, wa bêro vaco "Ez hendî to ra hes nêkena" û şêro... Oooxx çi weş! Bye bye happines...

Wa vaco "Yew waştîya mi esta. Ez qayil a bi embaza xwu ya verê to de dewam bikerî" zî çiyêko normal o. Waştîya ey a qicekîye zî bena, mesela... Beno yanî...

Wa vaco "Ez to ra mird biya, heskerdiş qediya, bi xatirê to..." Like a boss! Eferim, good boy!

"Ez embazanê xwu dir kewtbiya şert, seba ci ameya biya waştîyê to. Nika mi şert qezenc kerd, qisûrê mi meewnîye..." Çiman ser, congrulations!

Eke nêbo wa vaco "Ez bedilîyena, ez qayil a tercîhê xwu yê cinsî bibedilnî." Helbet ez fam kena, reyna çiman ser!

Ino zî yew behaneyo baş o: "Ez James Bond a. Seba wezîfeyê xwu ez biya waştîyê to, so just for duty and now honey, forgive me..." Oooo! Notêko winî zî bes o...

Bîngo! Wa ufoyêk bêro ey bigêro bibero! Ez bawer nêkena ke merdimê asîmanan kesî bidejnê. There goes my baby with someone new... Ox çi weş! Hmmm... Cayê "merdimanê feza" de ez vacî "fezacan" weşêr nêbeno? Hehehee! Tobe ya Rebî tobe... Pardon! Ez derdan ra huyena, ti zanê.

Eke vaco "Keyeyê ma zey House Lannister a, Cersei û Jaime Lannisterî biyare xwu vîr û derg mekere..." zî beno. Çi senaryo yo, ya Rebî! De eno halê mi ti zanê. Çare zî destê to der o. To ra girdêr senarîst çinê yo, ti nusnenê, ma kay kenê. Keremê xwu ra reyna binusne, plîîîîsss... Ay aman, amîn amîn...