Lay's

Uobejrzij zbjůr multimedyjůw na Wikimedia Commons:
Lay's

Lay's – marka czipsůw kartoflanych produkowanych bez Frito-Lay (terozki tajla PepsiCo).

Historia

Produkcyjo czipsůw tyj marki sztartnůł we 1932 roku Herman W. Lay, kery we 1938 roku po przejynćiu Barrett Food Company utworzůł H.W. Lay & Company. We czaśe II wojny śwjatowyj spożyće czipsůw znoczńe wzrosło (we dużyj mjyrze skiż racionowańo cukru i szekulady) a firma Hermana Laya stoła śe znaczůncym producyntym na rynku. Po wojńy Lay zautůmatyzowoł produkcyjo, a tyż sztartnůł wspůłpraca ze Charlesym Elmerym Doolinym, właśćićielym The Frito Company, kerům Lay przejůn we 1961 roku, dwa lata po śmjerći Doolina, tworzůnc we ten sposůb firma Frito-Lay. Sztyry lata ńyskorzij firma skuplowoła śe ze Pepsi Cola Company, tworzůnc PepsiCo.

Marka Lay's gibko stoła śe jydnom ze nojbarzi rozpoznowanych marek czipsůw, podańy na Frito-Lay, kery na kůńec lat 60. stoł śe wjodůncym śwjatowym producyntym maszketůw i pozostoje nim do dziś^[1]. We ńykerych krejach marka Lay's wystympuje půd inkszym mjanym, ntp. we Wjelgij Brytańiji kej Walkers, a we Brazyliji – Elma Chips^[2].

Przipisy

[1] Andrew F. Smith: "Eating History: Thirty Turning Points in the Making of American Cuisine", Columbia University Press 2009, z. 129, ISBN 978-0-231-14092-8

[2] Lay's Potato Chips and Fritos, Kiri Tannenbaum

[1]

[2]