Mesin Ekstrusi

Mesin Ekstrusi/Extrusion/ Co-Extrusion mangrupa salah sahiji mesin (umumna plastik) anu mibanda kagunaan pikeun nyieun lambaran plastik, di mana dina salambar plastik éta diwangun ku sababaraha lambaran plastik anu tiap lambar plastik éta béda sipat hiji jeung anu liana. Tangtuna ieu mesin kasup kana pamanggih kiwari anu méré bongbolongan ka para ahli téhnik bahan (R&D Material) di mana saméméhna ngarasa hésé pisan nyieun sababaraha campuran anu saluyu gesan nedunan paménta manufaktur atawa pabrik.^[1] Coextruding anu dimangpaatkeun dina widang pamungkus kadaharan umpamana, bisa nyieun hiji bungkus anu ngabutuhkeun hiji kaayaan anu husus umpamana, henteu gampang tengi kana eusina atawa lamun dieusi bahan kimia henteu ngabalukarkeur kontaminasi/mangaruhan kana barang anu disagigireuna naha dina waktu ngirim/salila diperjalanan kanumeuli atawa dinamangsa disimpen di toko saméméh aya anu meuli. ieu bisa di jieun hiji bahan pamungkus anu diwangun ku sababaraha lapis dina salambarna, numutkeun kana sipat jeung katangtuan bahanna bisa minuhan éta kabutuhan tadi.^[2]

Sajarah

Ektrusion ieu mimiti dimekarkeun dina abad ka 19, nyaéta dipaké dina raraga nyieun patlot, di mana graphite anu diteken tuluy ditutup maké kai di mana engkéna dipaké pikeun nyepengan ieu grahite-na. dina taun 1923 di Amérika dipaténkeun cara ngaékstrusi karét anu ngajadi tabung/tubuler anu dimangpaatkeun kana pamakéan ban jero, patén dipibanda plastik dina 35 - 40 taun anu geus kaliwat anu dipaké kana cara mungkus kabel jeung nyieun pipa/kuluwung. Pikeun co ekstrusion plastik dipaké nyieun selang pepelakan anu dipaké nepika kiwari éta hasil gawé ti R.H beck ti Dupont dipatén dina taun 1955 jeung kapanggih mimitina pikeun flat film (plastik rata) anu mibanda dua lapisan.^[3]

Cara Gawé Co-Extrusion

Dina mesin ekstrusi anu biasa, guruntulan plastik anu turun kana bagéan mesin anu paragi ngalééh keun plastik, tuluy di tarik maké scrup/screw anu muter ngaliwatan tabung/barrel anu dilimpudan ku alat paragi manaskeun, antukna ieu guruntulan bahan plastik anu sagedé béas tadi jadi lééh, tuluy waé diteken kaluar tina alatna/die anu saterusna ditiup/blowing. Sabalikna, dina mesin coextrusion mah ngalééhkeun bahan plastik téh diwangun ku sababaraha hiji ekstrusi/tempat di mana plastik jadi lééh terus diperejelkeun kaluar pikeun ditiup. Biasana aya tilu ekstrusi malahan aya anu maké nepika lima ekstrusina,tiap ekstrusi ieu merejelkeun plastik séwang séwanga dina ukuran anu geus ditangtukeun jeung béda béda dina sipat sakapeung kelina ogé béda.

Henteu kawas pacampurna plastik dimesin ekstrusi biasa, dina mesin co extrusi ungggal plastik anu diékstrusi tetep mandiri mibanda sipat aslina éta bahan plastik, ngan satuluyna dikantétkeun/gabungkeun dina die/alat ngajadi hiji lambaran anu homogen/ngahiji. béda kaayaana di mana dicampurna méméh diekstrusi, tangtuna bakal ngarobah sipat éta bahan anu dicapur sanajan dina ahirna bisa ngahiji ogé. Henteu sakabéh bahan plastik bisa di jieun maké mesin co extrusion ku lantaran sababaraha polimér henteu bisa ngahiji jeung polimér sejéna malaha aya anu nimbulkeun reaksi kontradiksi, sanajan bisa ogé ditarékahan ku jalan diselapkeun lapisan plastik séjén ditengahna. Plastik anu lééh na leuwih gancang ti batan anu séjéna dinamangsa bareng di ekstrusi, ieu ogé teu bisa dipaké, aya deui PVC jeung asetal henteu meunang di co extruded bareng lantaran bisa nimbulkeun réaksi anu goréng di mana maranéhna dihijikeun.

5 Lapisan Co-Extrusion dipake tabung/tube kosmetik

Ekstrusi dina Blow molding

Dina Mesin Tiup/blow molding, bahan plastik diékstrusi ke sajeroeun parison/tabung dipotong kapanjangna sawaréhna aya sajeroeun citakan. Ieu tabung anu geus aya tambahan ku jalan ekstrusi tadi satuluyna ditiup maka tanaga anu kawilang gedé nepikeun ka kasurungkeun minuhan citakan anu ngadempétna. jadi waé produk anu geus aya stripna bahan séjén anu ngajadi hiji. Ieu téhnologi ogé adipaké dina pamungkus kadaharan jeung deui obat-obatan. Ayeuna geus di ronjatkeun deui, lapisan anu di coextruded ka jeroeun plastik geusa nyingkahan wadah tina pangaruh alkohol, Bau anu mebek ogé lembab/jemlék. Pabrik inuman anu ngandung karbonasi ogé ngamangpaatkeun coextruded padahal salila ieu maranéhna ngagunakeun botol beling jeung almaniem

Industri énérgi ngamangpaatkeun coextrusion pikeun minuhan sarat salah sahiji kimia/emisi. Ethylene Vinyl Alkohol (EVOH) nyaéta coextruded jeung sababaraha polietiléna pikeun nyien wadah bahan bakar uap anu dibutuhkeun pikeun minuhan sarat lingkungan. Kaonjoyan séjén, EVOH mangrupa bahan anu ngahalangan bahan anuséjén sajeroeun wadah mayonés, saos tomat dan Botol susu orok. sanajan ieu kaasup bahan food grade, biasana ieu didempét ku duabahan substrat. Wadah transparan pikeun vitamin jeung obat-obatan ogé dijieun tina coextruded EVOH.