[go: up one dir, main page]
Lompat ke isi

Kantong

Ti Wikipédia Sunda, énsiklopédi bébas
Kantong orok

Kantong nyaéta wadah anu bentuk ilaharna segi opat, biasana aya talian, dipaké pikeun nendeun atawa pikeun mawa barang.[1] Kantong asal kecapna tina basa Inggris nyaéta ''bag''.[2]

Sajarah Singget Kantong

[édit | édit sumber]

Kantong kuno dijieun tina bahan kulit atawa kaén anu dipaké ku jalma pikeun nendeun barang-barang jeung koin Foster 1982. Istilah tas téh can aya dina pertengahan abad ka-19 sanajan hieroglif Mesir Kuno nembongkeun yén lalaki geus maké kantong nu dipaké dina cangkéng.[3] Baheula, saencan kantong jadi barang anu kasohor jeung jadi barang anu dipikabutuh jiga ayeuna, kantong téh bentukna saperti kantong plastik paranti mawa bungbuahan atawa kadaharan.[2] Kaayeunakeun kamekaran kantong téh jadi barang anu dipikabutuh ku masarakat jeung kantong téh jadi loba rupana.[2] Nagara-nagara anu ngamimitian ngamekarkeun rupa-rupa kantong téh nyaéta nagara anu disebut trend setter fashion saperti Perancis (Paris), Jepang (Tokyo), jeung Amerika (New York).[4]

Kamekaran Kantong

[édit | édit sumber]
  • Sajarah singget Kantong leungeun kuno.
  1. Hieroglif Mesir Kuno nembongkeun yén lalaki geus maké kantong dina cangkéng (tas pinggang).[3]
  2. Patani-patani di jaman baheula geus maké katong leutik pikeun mawa atawa ngangkutan binih.[3]
  3. Pandita Afrika mawa kantong manik-manik.[3]
  1. Abad pertengahan, boh lalaki boh awéwé boga sawangan lamun kantong téh leuwih dipikabutuh ti batan baju, kantong éta téh nyaéta korsét.[3] Kantong serut ieu ngagantung tina korsét kana tali anu panjang jeung loba rupa anu saluyu jeung fashion, status, jeung gaya hirup tina makéna.[3]
  2. Foster taun 1982 ngébréhkeun yén awéwé utamana mikaresep hiasan tali dina kantong anu katelahna hamondeys atawa tasques.[3]
  3. Numutkeun Wilcox taun 1999, kantong ieu th jadi tanda pikeun status sosial hiji jalma. Kantong korsét biasana sok dipaké pikeun rosario, kitab, jam, pomanders (jeruk wangi), chatelaines (beubeur ranté pikeun ngagantungkeun konci, gunting).[3]
  • 1900 taun
  1. Kantong leungeun modérn mimiti dipikawanoh, dibarengan ku kantong paranti balanja jeung kantong paranti gawé anu bahanna tina kulit.[3]
  2. Awéwé maraké kantong Dorothy, kantong korset leutik, anu disaluyukeun jeung mantel, muff jeung kantong kulit.[3]
  • Taun 1920
  1. Kantong teu disaluyukeun jeung baju anu dipaké.[3]
  • Taun 1930
  1. Kantong gandong, kantong sakola, kantong leungeun, ngeuyeuban dunia fashion.[3]
  2. Kamekaranan seni Art Deco, anu ngutamakeun abstraksi jeung bahan baku saperti plastik jeung séléting.[3]
  • Taun 1940
  1. Ku lantaran perang dunia kadua, seni kantong leungeun ngeuyeuban rupa-rupa kantong. Gaya Art Deco anu lemes jeung fleksibel diganti kana gaya militér. Kantong jadi leuwih gedé jeung leuwih praktis.[3]
  2. Bingkai metal, resleting jeung kulit ngurangan. Pabrik ngayakeun parobahan dina maké bingkai plastik jeung bahan synthetic pikeun material kaénna saperti sutra jieunan.[3] Kantong korset anu dipikawanoh saméméhna, ayeuna ngeuyeuban deui tapi ayeuna mah industi imah nu nyarieuna.[3]
  • Taun 1950
  1. Sanggeus perang kamakmuran sacara ékonomi ngarojong kantong leungeun jadi pananda status.[3] Aksésoris anu disaluyukeun jeung kantong leungeun jadi hal anu biasa, henteu mangaruhan kana stara sosial.[3]
  2. Kantong leutik jadi simbol feminitas, patukang tonggong jeung gunana kantong sorén di abad saméméhna.[3]
  • Taun 1960
  1. Kantong gaya mudak ngora jadi kasohor, saperti panjang, cantélan anu sederhana jeung kantong sorén (solendang) anu maké hiasan ranté anu panjang atawa tali.[3] Kantong ieu téh jadi pamanis pikeun baju mini anu jadi trend basa jaman éta.[3]
  • Taun 1970
  1. Kantong gandong jadi style pikeun dipaké lalampahan ka India.[3]
  2. Loba jalma anu nyingkahan barang-barang anu dijieunna bareng kalanyan loba.[3] Saperti kantong-kantong Afganistan anu bahan tina kaén perca anu dibordir jadi normal.[3]
  3. Psychedelic jeung mitip kembang méré gambaran anu romantic jeung étnik.[3]
  4. Awéwé ngarojong kana dukungan gerakan feminism ngaliwatan maké kantong anu dihias ku beubeur jeung séléting.[3]
  • Taun 1980
  1. Kantong olahraga jadi perhatian masarakat umum, lantaran kamekaran dina kaséhatan jeung fitness ngalantarankeun kantong ieu jadi kasohor.[3]
  2. Kantong leungeun klasik anu dilapisi ku kapas tina Vera Bradley, loba kauntunganana nepi ka sajuta dollar dina jangka waktu tilu taun.[3]
  3. Miuccia Prada ngarancang rangsel nylon hideung anu jadi kantong uni-sex anu mimiti dipikawanoh.[3]
  • Abad ka 21
  1. Kantong leungeun dijieun dina sabababara rupa jeung gaya, ukuran, material jeung gunana.[3]
  2. Mekarna téknologi jadi kesempatan pikeun konstruksi material kantong anu euweuh watesana.[3]

Jenis-jenis

[édit | édit sumber]

Dumasar kana pamakéna :

  1. Kantong awéwé
  2. Kantong lalaki
  3. Kantong orok

Dumasar kana bentukna:

  1. Kantong gandong
  2. Kantong sorén
  3. Kantong rangsel
  4. Koper
  5. Kantong leptop
  6. Kantong jingjing

Dumasar kana bahan:

  1. Kantong plastik
  2. Kantong rajut
  3. Kantong kertas

catetan

[édit | édit sumber]
  1. ↑ Definisi 'tas' (Dicutat tanggal 17 Oktober 2011)
  2. ↑ a b c Berbagai Model Tas (Dicutat 17 Oktober 2011)
  3. ↑ a b c d e f g h i j k l m n o p q r s t u v w x y z aa ab ac ad ae Sejarah Tas Tangan Dan Dompet Archived 2011-09-12 di Wayback Machine (Dicutat tanggal 17 Oktober 2011)
  4. ↑ Tas Wanita Archived 2011-11-03 di Wayback Machine (Dicutat tanggal 17 Oktober 2011)
Dicomot ti "https://su.wikipedia.org/w/index.php?title=Kantong&oldid=673901"