Kopi anjing
| Kopi anjing | |
|---|---|
| |
| Kopi anjing | |
| Klasifikasi ilmiah | |
| Ordo: | |
| Kulawarga: | |
| Génus: | |
| Spésiés: | C. cauliflora
|
| Ngaran binomial | |
| Cynometra cauliflora | |
Kopi anjing atawa namnam (Lat. Cynometra cauliflora) nyaéta tutuwuhan pituin Asia Tenggara, utamana Indonésia nu kaasup kulawarga kakacangan. Tangkal kopi anjing mah leutik (3–15 m), tapi dahanna ngarangkadak, kembangna leutik (diaméter 1,2 cm).
Daun
[édit | édit sumber]Daun kopi anjing boga dua anak daun, nu mun teu ditelek-telek mah kawas dua daun. lambaran daunna téh teu simétris, ukuranana 5-15 cm (panjang) jeung 2,5-7,5 cm (lébar), kelirna héjo bagedod.
Buah
[édit | édit sumber]
Buah kopi anjing bentukna kawas ginjal, panjang 5–10 cm, lébar 5 cm. Cangkang buahna teu beulah, tapi aya urat beubeulahanana. Kulitna kasar jeung rada kerejut, kelirna héjo pias semu coklat. Daging buahna baseuh kelir konéng, aya bauan, rasana haseum, sikina gedé.
Baranahan
[édit | édit sumber]Tutuwuhan ieu sumebar tina sikina, najan bisa ogé dicangkok.
Sebutan séjén
[édit | édit sumber]Di sababaraha wewengkon, kopi anjing disebut ogé heunceut anjing atawa pukih. Dina basa séjén, ieu tangkal katelah namnam (Jawa, Madura), kuwanjo (Bali), anjing-anjing (Malayu), puci anggi (Bima), puti anjeng (Makassar), arepa (Bugis), aloma (Seram), lamuta (Ambon), kfamute (Buru), namet (Halmahera Kidul), jeung namo-namo (Ternaté).
Sumber rujukan
[édit | édit sumber]- Namnam. Disalin 29 Agustus 2007.
- Sentra Informasi Iptek. Kopi Anjing (Namnam) Archived 2007-10-20 di Wayback Machine. Disalin 29 Agustus 2007.
Tumbu kaluar
[édit | édit sumber]- Singapore National Parks Board Archived 2014-03-04 di Wayback Machine
- Cynometra cauliflora L. Archived 2007-12-19 di Wayback Machine (PDF)
- Tangkal héjo online