Konduktor listrik

Konduktor listrik atawa panganteur listrik nyaéta material anu bisa nganteurkeun arus listrik, boh mangrupa zat padet, nyacai (éncér) atawa gas. Alatan sipatna anu konduktif (gampang nganteurkeun) mangka disebut konduktor. Konduktor anu alus nyaéta anu mibanda résistansi jinis anu leutik. Ilaharna logam boga sipat konduktif. Emas, pérak, tambaga, alumunium, séng, beusi paturut-turut mibanda résistansi jinis nu beuki badag. Jadi salaku pangateur emas téh pohara alus, tapi alatan kacida mahal hargana, mangka sacara ékonomis tambaga jeung alumunium pangréana dipaké.