Amparan Sunda

Istilah Amparan Sunda (paparan Sunda, Sundaland) nujul ka wewengkon biogéografis Asia Tenggara nu ngawengku Tanjung Malaya jeung kapuloan Sunda Gedé. Di beulah wétan, Amparan Sunda téh diwatesan ku Garis Wallace, nu diwanohkeun ku Alfred Russel Wallace, nu nandaan wates wétan sasatoan (fauna) mamalia tatar Asia, sarta wates ékozona Australasia jeung Indomalaya. Kapuloan wétaneun Garis Wallace katelahna Wallacea.^[1]

Kapuloan Amparan Sunda téh mangrupa tungtung buana Asia di beulah tenggara. Dina jaman és, beungeut laut téh leuwih handap sahingga sakabéh amparan Sunda masih mangrupa daratan. Ku kituna, pangeusi kapuloan Amparan Sunda mah sarua jeung mamalia Asia umumna, kayaning monyét, kera, lodaya, tapir, jeung badak. Garis Wallace nu ngawengku Selat Lombok antara Bali jeung Lombok, sarta Selat Makassar antara Kalimantan jeung Sulawesi, nandaan tungtung buana Asia, sahingga kapuloan Wallacéa mah misah ti Asia jeung Australia sarta Guinea Anyar.

Para ahli botani kadang ngahijikeun Amparan Sunda, Wallacéa, Pilipina, jeung Guinea Anyar dina propinsi paleuweungan (floristic province) Malésia, dumasar kamiripan flora/tutuwuhanana nu lolobana mah asalna ti Asia.

• Kapuloan Sunda
  • Kapuloan Sunda Gedé
  • Kapuloan Sunda Alit
• Gondéwa Sunda
• Australasia
• Oséania
• Sunderland

• Sundaland, Wikipédia édisi basa Inggris (8 Juni 2006)

• Conservation International: Sundaland

• Abdullah MT. 2003. Biogéography and variation of Cynopterus brachyotis in Southéast Asia. PhD thesis. The University of Queensland, St Lucia, Australia.
• Corbet, GB, Hill JE. 1992. The mammals of the Indomalayan region: a systematic review. Oxford University Press, Oxford.
• Hall LS, Gordon G. Grigg, Craig Moritz, Besar Ketol, Isa Sait, Wahab Marni and M.T. Abdullah. 2004. Biogéography of fruit bats in Southéast Asia. Sarawak muséum Journal LX(81):191-284.
• Karim, C., A.A. Tuen and M.T. Abdullah. 2004. Mammals. Sarawak muséum Journal Special Issue No. 6. 80: 221—234.
• Mohd. Azlan J., Ibnu Maryanto, Agus P. Kartono and M.T. Abdullah. 2003 Diversity, Relative Abundance and Conservation of Chiropterans in Kayan Mentarang National Park, éast Kalimantan, Indonésia. Sarawak muséum Journal 79: 251-265.
• Hall LS, Richards GC, Abdullah MT. 2002. The bats of Niah National Park, Sarawak. Sarawak muséum Journal. 78: 255-282.
• Wilson DE, Reeder DM. 2005. Mammal species of the world. Smithsonian Institution Press, Washington DC.