Amirmachmud
Jenderal TNI (Purnawirawan) Amir Machmud nyaéta inohong militér Indonesia.[1] Lahir di Cimahi Jawa Barat tanggal 21 Pébruari 1923 – ngantunkeun di Cimahi tanggal 21 April 1995.[1] Dina pamaréntahanana Amir kungsi nyangking kalungguhan jadi Menteri Dalam Negeri dina masa Kabinet Pembangunan I, Kabinet Pembangunan II, jeung Kabinet Pembangunan III periode 1968-1983.[1] Salian ti éta kungsi ogé jadi Ketua DPR/MPR dina periode 1982-1987.[1]
Dina taun 1958, Amirmachmud dipindahkeun ka Jakarta salaku anggota staf di markas Anggkatan Darat salila dua taun.[2] Dina taun 1960, Amirmachmud dikirim ka Bandung pikeun ngaluuhan Seskoad.[2] di dinya Amir diajar ngeunaan pulitik jeung ékonomi nu mangrupa élmu pangpentingna pikeun prajurit Angkatan Darat.[2] Sanggeus tamat kursus Seskoadna, Amirmachmud diangkat jadi Wakil Kepala Staf Caduad.[2] Caduad nu mangrupa dasar tina kostrad mangrupa hiji kakuatan stratégis nu dirarancang salila kasus darurat nasional.[2]
Dina taun 1962, Presiden Soekarno méré posisi Kepala Staf Operasional ka Amirmachmud dina usaha ngabébaskeun Irian Barat.[2]
Dina taun 1948 Amirmachmud jeung pasukanana ilubiung dina panumpesan Partai Komunis Indonesia (PKI) di Madiun.[2] Taun 1949 Amirmachmud saparakanca balik daeui ka Bandung.[2] Amirmachmud kungsi nyangking kalungguhan jadi Batalyon Komandan di Tasikmalaya jeung Garut saméméh diangkat jadi Résimén Kepala Staf di Bogor.[2] Tuluy dingkat jadi Kepala Staf KODAM VI/Siliwangi.[2]
Referensi
[édit | édit sumber]- ↑ a b c d Amirmachmud Archived 2012-01-12 di Wayback Machine (Diakses tanggal 14 Nopember 2011) (id)
- ↑ a b c d e f g h i j Siapa Amirmachmud? Archived 2011-09-28 di Wayback Machine (Diakses tanggal 14 Nopember 2011) (id)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |