Congklak
Congklak atawa daku nyaéta kaulinan maké papan kai atawa palastik, nu panjanngna kurang leuwih 40cm, lébarna kurang leuwih 15 cm, luhurna maké logak sababaraha hiji.[1] Unggal logak dieusian kewuk, siki salak, siki asem atawa batu leutik.[1] Geus aya lombang-lombangna 7, ngajajar.[1] Di hareupeun lombang 7 gé aya deuih 7 lombang, 2 lombang badag digigir-gigirna.[1] Éta lombang téh dieusian ku siki asem atawa siki congklak (nu geus disadiakeun), atawa baréto mah mun congklakna dina taneuh, sikina sok ku batu laleutik.[1][2]
Cara maén
[édit | édit sumber]Lombang dieusian masing-masing 7 siki. Ari lombang gedé minangka lombang rajana mah henteu dieusian, dipaénkeun ku 2 urang teu bisa leuwih. Sanggeus kabéh lombang leutik dieusian, tuluy salah sahiji nu maén nyokot lombang, nya dipapaykeun nepi ka béakna siki.[3] Giliran ieu nu lombang gedé (tabungan manéhna, nu beulah kéncaeun nu maén) gé dieusian sasiki, lasutna téh mun siki nu pamungkas nempatan lombang nu kosong. Mun dina nu lombang luhur aya eusian disebutna "némbak", siki nu lombang kosong, jeung siki luhureunana dibawa jadi hak milik nu maén éta. Nya geus kitu mah bagilir bagéan pamaén lawanna da lasut téa.[3]
Sumber
[édit | édit sumber]- ↑ a b c d e Drs. Ahmad Hadi, Dkk (2009). PEPERENIAN. Bandung: Geger Sunten. p. 232. ISBN 978-602-7784-11-6.
- ↑ Suwondo, Dodo (2018). Pangajaran Basa Jeung Sastra Sunda: Panuyun Sangkan Bisa Ngajarkeun Basa Suwondo. Jakarta: Penerbit Yayasan Miftahul Huda al-Musri (MHM). p. 80. ISBN 9786025069314. Disungsi 20 Méi 2024
- ↑ a b Paguneman Komunitas Urang Sunda di Internét di milis urangsunda@yahoogroups.com. Dideskripsikeun ku Teh Pupi
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |