Galium
Galium nyaéta hiji unsur kimia dina tabél périodik anu miboga lambang Ga jeung nomor atom 31.[1] Galium padet mangrupa logam kulawu kabulaoan anu miboga struktur kristal ortorombik, sedengkeun galium murni miboga warna kaperakan.[2] Galium wangunna padet dina suhu ruang, tapi siga mérkuri, cesium, jeung rubidium, bakal jadi cair mun saeutik dipanaskeun.[2] Galium padet kaitung lemes sangkan bisa dipotong ku péso.[2] Ieu unsur stabil dina udara jeung cai, tapi ngaréaksi sarta larut dina asam jeung basa.[2] Galium teu sayaga dina wangun murni di alam.[2] Galium sabenerna mah leuwih ngaleuya tinimbang timbal tapi leuwih hésé diaksés ku sabab teu kakonséntrasi seléktif dina mineral sahingga sumberanna kawilang lega.[2] Sawatara bijih logam siga bauksit ngandung sajumlah leutik galium.[2] Lian ti kitu, batubara ogé miboga kontén galium kawilang luhur.[2]
Rujukan
[édit | édit sumber]- ↑ "Tabel Periodik (Indonesian Periodic Table)". PTable. Diakses tanggal 3/12/2016.
- ↑ a b c d e f g h "Galium (Ga): Fakta, Sifat, Kegunaan & Efek Kesehatannya". Amazine. Diakses tanggal 3/13/2016. Archived 2014-07-30 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |