Beurang

Beurang nyaéta hiji mangsa (waktu) di mana hiji tempat keur aya dina posisi anu pahareup-hareup jeung panonpoé, sarta ku lantaran éta jadi caang. Dina waktu beulahan planét bumi keur ngalaman mangsa beurang ieu, beulahan séjénna baris ngalaman waktu peuting. Beurang sakapeung didéfinisikeun minangka waktu antara meletékna panonpoé di tungtung deuleu (sisi langit) palebah wétan nepi ka surupna panonpoé di sisi langit palebah kulon.

Alatan rotasi bumi anu muter ti kulon ka wétan, mangka beurang jeung peuting baris silih selang, sarta ngajadikeun hiji poé kawangun ku 24 jam.

Lilana waktu beurang béda-béda gumantung usum, utamana pikeun wewengkon anu deukeut kutub. Di nagara Amérika Sarikat contona, dina waktu usum panas (bulan Juli jeung Agustus) beurang baris leuwih lila batan dina waktu usum tiis (bulan Désémber jeung Januari).

	Bagéan poé
	Tumorék • Janari leutik • Janari gedé • Kongkorongok hayam sakali • Haliwawar • Kongkorongok hayam dua kali • Janari • Subuh • Balébat • Carangcang tihang • Murag ciibun • Pecat sawed • Haneut moyan • Rumangsang • Tengah poé/lohor • Méngok * Lingsir ngulon • Asar • Pasosoré • Ngampih laleur • Tunggang gunung • Sariak layung • Sareupna/Magrib • Harieum beungeut • Isa • Sareureuh budak • Sareureuh kolot • Peuting • Tengah peuting