Thailound

ราชอาณาจักรไทย Ratcha Anachak Thai Kingdom of Thailand Flaage Woapen Woalspruch: Nationoalhymne: Phleng Chat Amtssproake Thai Haudstääd Bangkok Stoatsfoarm Monargie Gebiet Fläche % Woater 514.000 km² 0.4% Ienwoonere (2015) 67.959.000 Munte Baht (THB) Tiedzone UTC +7 Fierdai 5. Dezember 10. Dezember Loundkode THA TLD .th Telefonfoarwoal 66

Dät Köönichriek Thailound is n Lound in dät Suudaaste fon Asien.

Die hoochste Bierich fon dät Lound is die Doi Inthanon (2565 m). Ju grootste Äi fon Thailound is die Chao Phraya. In dät Aaste gränset Thailound an dän Gulf fon Thailound, in dät Wääste an dät Andamaniske Meer.

Groote Stääde ieuwenske ju Haudstääd Bangkok sunt: Chiang Mai, Nonthaburi, Samut Prakan, Nakhon Ratchasima (fröier Khorat), Khon Kaen un Chonburi.

Thailound wäd fon do naiste Lounde begränsed:

• Laos, in dät Noudaaste,
• Kambodscha, in dät Aaste,
• Malaysia, in dät Suude,
• Myanmar, in dät Wääste.

Dät Klima is tropisk-monsunoal, ju Temperatuur lait dät ganse Jier in truchsleek buppe de 18 °C. In Thailound rakt et nit so as bie uus do fjauer Jierstieden, man moundelke Rienfal wäd deer meeten. So rakt et in Thailound do tjo Rienjierstieden. (1) fon November bit Februoar ju foarhärskjende Noud- bit Noudaastwiende druuch un köilige Luft hääroun, (2) in die Foarmonsuun-Tied bit Moai härskje do hoochste Temperatuure (oafte düüdelk uur 35 °C), (3) fon Juni bit September duuret ju Rientied mäd dän Monsuun uut dät Suudwääste wai.

• Foargeskichte un Wonderengsperiode
• Dät Köönichriek fon Sukhothai (13. – 14. Jh.)
• Dät Köönichriek fon Ayutthaya (15. Jh. – 1767)
• Die Thonburi-Periode (1767-1782)
• Ju Chakri-Dynastie (1782 - däälich)
• 1932, Thailound wäd n demokratisk Lound. Ju Ferfoatenge ärschient an n 10. Dezember un dät is däälich noch altied n Fierdai.
• In 1939 wäd dän Noome ferannerd fon Siam ätter Thailound. Glieks ätter ju Twäide Waareldkriech hat Thailound wier Siam, man in 1949 wäd ju Loundsnoome definitiv Thailound.

75 % fon ju Befoulkenge sunt Thai, 14 % Chinesen. Do uur Ienwoonere sunt Bierichfoulke, Khmer, Laoten, Malaien, Moken, Inder, Vietnamesen, Lolos un Wiete (Farangs). Die Moorhaid fon Thailound is Buddhist (94 %). 4 % sunt Muslime un deer woonje uk Kristene un Hinduus.

• Krung Thep Mahanakhon Amon Rattanakosin Mahinthara Ayuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit, die offizielle Noome foar Bangkok

• CIA World Factbook – Thailound Statistiske Doaten (ängelsk)