Olesegun Obasanjo
Sikhulu se-Olusegun Matthew Okikiola Ogunboye Aremu Obasanjo (watalwa 5 Mashi 1937) ngujenene waseNigeria kanye nembusi lowasebenta njengenhloko yembuso waseNigeria kusukela nga-1976 kuya ku-1979 kwatsi ngemuva kwesikhatsi waba ngumengameli walo live lase Nigeria kusukela nga-1999 kuya ku-2007. Ngekwemcondvo wesive saseNigeria, bekalilunga leLicembu Lebantfu Lentandvo Yelinyenti (i-PDP) kusukela nga-1998 kuya ku-2015, futsi kusukela nga-2018.[1]
Umlandvo
[hlela | edit source]Obasanjo watalelwa edolobhaneni lase-Ibogun-Olaogun emndenini webalimi weligatja lase- Owu lemaYoruba, kantsi wafundza e -Abeokuta, eSifundzeni sase-Ogun . Wajoyina iMphi yaseNigeria kantsi ngulapho waba khona ngubunjiniyela futsi wabelwa eCongo, eBrithani, naseNdiya, wakhuphukela esikhundleni sekuba ngumphatsi lomkhulu. Ngasekupheleni kweminyaka yabo 1960, wadlala indzima lenkhulu ekulweni nebantfu labahlukanako base Biafran ngesikhatsi seMphi Yelive YaseNigeria, wemukela kutinikela kwabo nga 1970. Nga 1975, kuvukela umbuso kwemasotja kwasungula i junta na Obasanjo njengencenye ye triumvirate yayo lebusako. Ngemuva kwekutsi umholi we triumvirate, Murtala Muhammed, abulawe ngemnyaka lolandzelako, Umkhandlu Lophakeme Wemasotja wabeka Obasanjo kutsi abe yinhloko yembuso. Kuchubeka nemigomo yaMurtala, Obasanjo bekacondzisa kuncishiswa kwesabelomali kanye nekwandziswa kwekufinyelela emfundvweni yamahhala yesikolwa. Ngekuya ngekuhambisana neNigeria neMelika, waphindze wagcizelela kusekela emacembu laphikisana nekubusa kwebantfu labamhlophe labancane eningizimu ye Afrika. Kutinikela ekubuyiseleni intsandvo yelinyenti, Obasanjo wahola lukhetfo lwa 1979, ngemuva kwaloko wadlulisela kulawula iNigeria kumengameli losandza kukhetfwa, Shehu Shagari . Obasanjo wabese utsatsa umhlalaphansi waya e -Ota, e-Ogun, lapho aba ngumlimi, washicilela tincwadzi letine, futsi wabamba indzaba etinyatselweni temave emhlaba tekucedza tincabano letehlukahlukene tase-Afrika.[2]