Hluti

Hluti lidolobha lelincane lelitfolakala esifundzeni saseShiselweni Eswatini. Lendzawo yetsiwa kususelwa kulentsaba lekulelidolobha. ^[1] Hluti , wakhiwa tinkundla letimbili, lokungu Shiselweni I nenkhundla yase Hosea ^[2] Ngephasi kwenkundla ye Hosea^[3] kunemiphakatsi lesitfupha, lefaka ekhatsi ; Hhohho emuva ngephansi kwesikhulu Ndabankulu Simelane,Manyiseni umphakatsi ngesphansi kwesikhulu Bhejisa Lushaba , Nsingizini umphakatsi ,ngephansi kwesikhulu Umntfwanenkhosi , Susa Dlamini,umphakatsi was'Ondiyaneni ngephansi kwesikhulu ,Makhutwana .Lenkundla seyiyonkhe ibukwe ngu Sifiso Mabuza ^[4].Uphindze abe ngumnakabo Bacede Mabuza lobekayindvuna yalenkundla kusukela nga 2018 -2023.

Inkundla ye,Shiselweni I nayo, yakhiwa yimiphakatsi lesitfupha, lengu;Mabonabulawe ngephansi kwesikhulu Salebone Ntsangase , umphakatsi wase Dumenkungwini, ngephansi kwesikhulu Landokwakhe David Ntsangase , umphakatsi wase Emchinisweni ngephansi kwesikhulu Sigodo Hlophe , Ezikhotheni ngephansi kwesikhulu ,Zwide . Lendzawo yaseZikhotheni, iphindze ibe yindzawo yekulima emahlatsi ^[5]. Ngemuva kweZikhotheni, kulandzela mphakatsi wase Zibondeni ngephansi kwesikhulu Zabeni Shiba . Zabeni Shiba uphindze abe yimphunga ephalamende yakaNgwane 2023-2028^[6], umphakatsi waseManyandeni ngephansi kwesikhulu Ngome Ndlangamandla lophindze naye abe yimphunga ephalamende yakaNgwane ^[7].Indvuna yalenkhundla ngu Shawnette Henwood ^[8].

Infutfuko isezingeni leliphansi kulelidolobha , bantfu bakhona baphila ngekulima umbila, nekufuya tinkhomo .Tintfo letitfolakala kulelidolobha yi nkantolo lencane, siteshi semaphoyisa,nesemagesi, titolo tekutsenga ^[9] letifaka ekhatsi Shoprite ne PEP . Emahhovisi ahhulumende neliposi .Tikolwa telibanga lelincane timashumi lamabili nakubili(22) bese kutsi telibanga lelikhulu tilishumi (10) kufaka ekhatsi lesidvume kakahulu kuleli i Our Lady of Sorrows ^[10].Bantfu bakhona banebutfu baphindze bakhulume nesiZulu lokubangwa kutsi basedvute nemcele we KwaZulu Natal iPongola ^[11].

1. ↑ Bates, M. F., & Stanley, E. L. (2020). A taxonomic revision of the south-eastern dragon lizards of the Smaug warreni (Boulenger) species complex in southern Africa, with the description of a new species (Squamata: Cordylidae). PeerJ, 8, e8526.
2. ↑ https://www.gov.sz/index.php/ministries-departments/ministry-of-tinkhundla-administration/tinkhundla-administration?view=article&catid=69:thinkhundla-system-of-gov&id=1724:hosea-inkhundla
3. ↑ Motsa, N. D. (2023). Understanding the 2021 eSwatini school protests: theoretical reflections of an educator. Journal of Contemporary African Studies, 41(2), 229-239.
4. ↑ "Archive copy". Archived from the original on 2024-07-11. Retrieved 2024-10-30. 
5. ↑ Singwane, S. S., & Beckedahl, H. The Governance of Community Forests in Eswatini: The Case of Ezikhotheni and Ngcayini Chiefdoms.
6. ↑ "Archive copy". Archived from the original on 2024-07-11. Retrieved 2024-10-30. 
7. ↑ "Archive copy". Archived from the original on 2024-07-11. Retrieved 2024-10-30. 
8. ↑ "Archive copy". Archived from the original on 2024-07-11. Retrieved 2024-10-30. 
9. ↑ /new.observer.org.sz/details.php?id=12918
10. ↑ Stanley, E. C. (2022). A Coloured South African Teacher in Aotearoa New Zealand.
11. ↑ https://nr.maptons.com/3592640