Dhimitër Plaputa

Dhimitër Plaputa
U lind në	15 maj 1786 Palumba, Arkadia
Vdiq	Athina
Kombësia	Arvanitas
Profesioni	Gjeneral

Dhimitër Kolopullo Plaputa (greqisht: Δημήτρης Κολιόπουλος Πλαπούτας) (maj 15, 1786 – korrik 1865) ka qenë gjeneral arvanit që luftoi gjatë Revolucionet Grek për Pavarësi kundër sundimit të Perandorisë Osmane.

Ai lindi në Palumba, Arkadi, i biri i Kola Plaputës, një Armatol, kjo është arsyeja përse Teodor Kollokotroni e thërriste atë thjesht "Koliopulo" (greqisht: Ό Κολιόπουλος^[1]).

Më 1811, ai e la Palumbën dhe u largua për në Ishujt Jonianë ku u bë oficer në ushtrinë britanike. Më 1818, ai u bë pjesë e Filiqi Eteria, lëvizje e cila punonte të çlironte Greqinë nga pushtimi osman.

Gjatë revolucionit, Dhimitër Plaputa mori pjesë ne betejën e Tripolicës, rrethimin e kalasë së Korinthit, Beteja e Valtetsit, beteja e Maniakit dhe beteja të tjera.

Pas Pavaraësisë, në 1833, së bashku me gjeneral Teodor Kollokotroni dhe gjeneralin Kiço Xhavella, Plaputas mbështeti Princin Oto të Bavarisë si mbret të Greqisë. Dikur më vonë ai e kundërshtoi regjencën e dominuar nga bavarezët gjatë sundimit të tij. U dënua për tradhti të lartë më 7 qershor 1834 dhe u burgos në Palamidi së bashku me Kolokotronin dhe u dënua me vdekje. Më vonë më 1835 u fal. Plaputau u fut më vonë në politikën greke dhe shërbeu në parlament (1844–1847) dhe në senat (1847–1862). U bë truprojë nderi dhe shoqërues i mbretit Oto.

Plaputa kishte gjithashtu një vëlla, Jorgo, i cili luftoi prëkrah tij në shumë beteja dhe vdiq në betejën e Llallës. Kur ishte rreth të shtatëdhjetave, Plaputa u martua me një grua rreth të tridhjetave dhe pati një vajzë me të me emrin Athanasia. Plaputa vdiq menjëherë më pas. Shtëpia e tij ende qëndron (megjithëse e dëmtuar rëndë nga tërmeti në vitet 1960) në qytetin e tij të lindjes Palumba, Arkadia.

• 
  Bust
• 
  Lufta për pavarësi e Greqisë