Glukoza
Glukoza është lëndë e ëmbël, e tretshme në ujë, që gjendet kryesisht në frutat e sidomos te rrushi dhe që është shumë e rëndësishme për organizmin. Ndryshe quhet edhe sheqeri i rrushit.
Glukoza është monosakaridi më i rëndësishëm dhe është substancë përbërëse e të gjitha organizmave të gjallë. Në gjendje të lirë gjendet në lëngun e rrushit, 22%, në fruta, në mjaltë, në gjak, 0,1%, në urinë, 0,04%, kurse në formë të lidhur, në dysakaride dhe në polisakaride të ndryshme. Përfitohet nga bashkëveprimi i amidonit (patatet ose misri) me acide ose tharme (fermente).
